【那年花開月正圓．結局】 孫儷陳曉大婚成永别：你就是我的命
撰文：鄺鈺瑩
出版：更新：
陳曉同孫儷由頭拖拉到尾，最終入大直路有嘴戲，觀眾狂loop。
《那年花開月正圓》聽晚即將迎來大結局，陳曉飾演嘅沈星移死過翻生後，令佢同孫儷飾演嘅周瑩感情邁進一大步，唔少網民都希望兩位可以有個happy ending。而喺最新嘅預告片段當中，只見陳曉準備去刺殺以光緒皇上以及慈禧，但為怕連累孫儷同吳家幾百人，所以恨心將對方刺傷並綁起。
網民話呢幕就算係現實同幻境都所謂，最緊要係快啲洞房。
而喺另一條預告片段當中，只見孫儷披上紅色嫁衣，慢慢走向陳曉表示知道佢一定會返黎，繼而送上情深告白：「你曾說過這輩子一定要娶我為妻，我現在就嫁給你。」雖然陳曉口口聲聲話跟住自己無好日子過，甚至於連命都無，但見孫儷意志堅定，佢亦都不再猶豫：「好，我娶你。」二人一同表示將來無論是生是死，都不再分開。
飾演丫头春杏嘅許芳銥喺微博話過「大家一起領飯盒。」似乎暗示無好下場。
劇情看似十分美好，但由於其背景音樂sad到爆，加上官方微博寫上「像是夢境，又像是現實」，令網民紛紛大叫：「唔好」，並猜測該片段其實係喺陳曉刺殺失敗後，離世前去見孫儷最後一面。另外，由於早前飾演趙白石嘅任重講過只有佢一個會陪孫儷到最後，令sad ending嘅可能性更高。