【台慶亮燈．多圖】50周年個個都唔想失禮 高海寧最搶鏡
撰文：林迅景
出版：更新：
好齊人呀！（黃國立攝）
一年一度的台慶亮燈今晚又嚟喇！適逢今年是TVB的50周年，一定搞得有聲有色，除了請來同樣入行50周年的汪明荃為大家獻唱多首經典金曲之外，又會有一班演員為一堆台慶劇宣傳，講吓劇情大綱同人物關係，之後又有旅遊、魔術等等的節目和遊戲送俾大家。不過，幾盛大的活動都好，都一定要有人撐場，所以TVB今次基本上都出動全台演員歌手，個個都執到靚晒先行入廠，以下我哋就睇吓一班藝人究竟以咩造型亮相喇！
一班高層當然都要到。（黃國立攝）
全場最曯目都可以話係高海寧喇，低胸跌膊仲要露出條小蠻腰，即刻搶晒風頭。在接受《香港01》訪問時她表示近排有個同森美嘅旅遊節目好好玩，仲玩森美大隻到成40吋，自己都要認輸呀！不過相信今晚佢一定係贏晒，同場嘅包括張曦雯、劉穎璇、麥明詩、黃心穎等等靚女全部都俾佢搶晒風頭，事關佢哋嘅造型真係好出事，可能係因為要跟返佢哋要宣傳嘅劇集，所以用返相關嘅戲服，但有啲真係好唔夾。
高寧今次真係掂！（黃國立攝）
+11
其他焦點就是三位應屆港姐冠亞季軍，三人同以低胸示人，一樣搶盡風頭，可能因為佢哋都仲未有劇要拍喇，所以無咗服裝嘅規限，你見佢哋三個揀嘅衫都將自己嘅優點表露無遺就知喇！
又真係幾省鏡。（林迅景攝）