【最勤力孕婦】胡杏兒即將卸貨 大肚靚相圖輯任睇

撰文:
最後更新日期:

近年愈來愈香港人會請專業攝影師,拍攝婚紗相家庭照仲有大肚相,留倩影等第時可以重溫。被封為圈中最勤力大肚婆嘅胡杏兒預產期將至,終於肯停工休息,同朋友食下飯執下走佬袋,日前更分享了幾張同丈夫李乘德拍攝嘅非一般孕照,主打黑白型格十足呀﹗

似唔似史密夫鬥史密妻?(胡杏兒Facebook)

黑色除左有型,其實都可以好幸福。(胡杏兒Facebook)

杏兒同老公分享咗幾張新相,有別於一般大肚相sell溫馨小清新feel,李生李太以全黑打扮上陣,杏兒著上單肩連身裙抱住孕肚,而李生就黑色西裝上陣,佢哋企喺黑色佈景面前背對背chok樣望鏡頭,十足電影《史密夫鬥史密妻》海報,型格十足!另一張相李生從後環抱杏兒,兩個人面露幸福微笑,雖然就嚟生得,但杏兒手腳依舊纖廋,肥肚唔肥人認真係得天獨厚。

真正嘅肥肚唔肥人,好羨慕呀﹗(胡杏兒Facebook)

李生無跟住杏兒一齊「大肚」,keep得唔錯噃。(胡杏兒Facebook)

另外佢哋又換上全白服飾,喺窗前柔和光線下,杏兒輕抱丈夫頸,兩夫婦一齊望住肚入面嘅Baby Lee,期待囝囝出世後一家三口美滿生活。而另一張杏兒一個人坐喺窗邊輕撫孕肚,淡淡嘅笑容眼神流露出慈母光芒,就好似張智霖之前所講:「杏兒變得溫柔有媽媽樣,好有女性光輝。」據知杏兒專誠搵嚟幫佢哋拍攝婚紗相以及婚禮嘅著名攝影師Ben操刀,之前啲相一出大獲好評,難怪李生李太要encore啦。

兩公婆好似問緊:阿仔幾時先出嚟見人呀?(胡杏兒Facebook)

杏兒陀住8個月都跟劇組周圍宣傳,好勤力呀﹗(資料圖片)

被封為圈中最勤力大肚婆嘅胡杏兒,懷孕以嚟工作從未停過,跟住劇組到處宣傳、又同胡說八道幾位姐妹飛到澳洲拍旅遊節目,見到又長途車又長途機,真係戥佢攰呀﹗不過亦因為不停工作,可以扮靚現身,杏兒孕期當中影落大量大肚靚相,一於同大家重溫一下!

今年5月以呢張藍天白雲下嘅相片宣布有喜。(胡杏兒ig)

邊個話大肚婆只能著鬆身衫架?貼身禮服一樣搶眼。(胡杏兒Facebook)

近年好多孕婦裸影大肚相,胡定欣幫杏兒影嘅呢張三點式照一樣吸晴。(胡杏兒Facebook)

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。