【老表，畢業喇！】演員個個好玩得　欣宜伸脷舐一樣唔抗拒

《老表，畢業喇！》雖然評語一般，不過戲內一班演員感情相當之好，成日都一齊去玩。前日的台慶亮燈儀式，一班人夾咗個Dem Beat去宣傳套劇，反應都唔差，大家都可以輕鬆笑一笑。當晚除了呢樣，其實呢班人喺台下都玩得好開心，欣宜仲伸脷去舐babyjohn，在旁邊的林欣彤都俾呢個行為嚇親！雖然babyjohn無抗拒，不過都手足無措，成個人硬晒，唔知當時佢諗緊咩呢？

用相片去說明故事。

大家見到呢個畫面，會唔會令你聯想返曾經嘅一個畫面呢？時間倒流返去2005年，在《兒歌金曲頒獎典禮》上，當年欣宜親吻了藝人吳卓羲，事件可謂轟動一時，親吻場面的令到觀眾的投訴破了當年紀錄，香港廣播事務管理局（廣管局）最終接獲81宗投訴。不過相信今次唔會再有投訴喇，一來今次唔係電視節目，二來欣宜的觀眾緣已經愈來愈好，相信haters已經減少，希望大家都可以繼續留意她落力的演技吧。