李天翔同拍拖6年女友結婚 認字特警好感恩:好多嘢要靠老婆處理

撰文:李妍樺
出版:更新:
恭喜晒!

「認字特警」李天翔今日正式簽紙成為人夫,但他並沒有鋪張大搞婚禮,只是簡單跟家人吃飯慶祝,相當低調,好兄弟鄭世豪亦當然有份坐主家席。李天翔一臉幸福大曬手上的戒指,不是只有女生才愛炫耀婚戒嗎?他說:「我真係好鍾意戴戒指,隻戒指我一個月前已經訂咗,好靚好鍾意,我唔會怕整唔見,當然做嘢可能會除,我會好好保管。」

唔係個個男人都好似李天翔咁鍾意戴婚戒。(黃國立攝)

李天翔跟太太相愛6年,之前一直都是同居的狀態,在他心裏就跟結了婚沒兩樣,但身邊朋友一個一個拉埋天窗,他察覺到身邊的太太也有走進人生另一階段的想法,他說:「女仔話唔想結婚就假嘅,我覺得6年都差唔多係時候喇,求婚之後感覺都唔係好大,到上律師樓預約簽紙時我先覺得有唔同,離開之後我好開心可以同人哋介紹佢係我未婚妻,個感覺真係唔識點形容!」

李天翔終於成為人夫。(黃國立攝)

「其實我未結婚已經有叫佢老婆,不過佢唔叫我老公之嘛,簽咗紙之後嘅感覺好唔同,雖然之前已經係同居。」言談之間李天翔不時緊握手中的戒指,他自言是個笨拙的人,生活瑣碎事都靠老婆打理:「你咪睇我個樣好似好精咁,其實我好蠢,好多嘢都要靠老婆處理。」

提起老婆,李天翔一臉幸福。

婚後李天翔並未有置業的打算,歸因香港樓價連做藝人也負擔不起,他嘆氣道:「邊有錢,香港買樓咁貴,邊畀得起首期,會唔會買樓要同老婆商量吓,我哋依家係租樓,但租都好貴。」在香港生小孩也得考慮荷包夠不夠厚,李天翔暫時未有這個打算:「我同太太都冇咩耐性,冇諗過生,暫時未囉,香港養小朋友好貴,要學好多嘢去補習,駛好多錢,好開心屋企人都冇畀壓力我哋。」

兄弟鄭世豪亦有到場。(黃國立攝)