【反黑】河國榮扮惡警爆Seed 戲份仲有驚喜:每場戲都要好惡

撰文:
最後更新日期:

由陳小春、陳國坤、吳孟達擔綱主演的網劇《反黑》口碑不錯,內地的點擊率直逼5億之外,都有好多香港觀眾每晚淩晨準時死守觀看。昨晚(9/10)18集劇情除了講述和興盛同洪樂之爭,相信其中有一個亮點就是河國榮飾演的政治部指揮官與高級督察張sir(陳國坤飾)上演一幕嗌交戲,河國榮就好似機關槍咁講咗一段好長嘅對白,他接受《香港01》訪問時表示,「因為嗰場好激烈,分兩次拍攝,都NG了3,4次,我本身又唔係講嘢好大聲嘅人,所以拍完之後把聲都玩完!」

昨晚播出的最新一集《反黑》中,河國榮就同陳國坤上演一幕激烈嗌交戲!

+5
+4
+3

河國榮以往無論係劇集還是電影,真係經常飾演警司角色。(網上圖片)

經常飾演警司角色的河國榮今次在《反黑》中,依然仲係做警司,做過咁多次應該無難度至係,但河國榮就話今次係劇中戲份都好重,「每場戲都要好惡咁講對白都有點困難,始終惡唔係大聲就得,係要自己諗下點樣去做。」他其後亦指今次接拍《反黑》都感到好驚喜,因為他與導演宋本中原本是不認識的,「我都有睇過佢幾部電影,但就唔識他。而且今次劇集有咁多好戲嘅演員參與同一部劇係好難得,我可以參與到其中一個角色都好開心。」問到之後在《反黑》中會否有其他咁激烈的戲份?河國榮表示只有18集這一場,至於可否透露之後嘅劇集去向時,河國榮笑言,「當然唔可以透露喇,大家繼續睇埋落去。」提到昨日ViuTV舉行節目巡禮時,透露《詭探》將開拍第二季,有份參與拍攝第一季的河國榮就話,「我完全唔知會開拍第二季,都係第一次聽到,暫時未有人接觸我。」 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。