鄭俊英出道4周年來香港 《都市蜜遊》對黃心穎Elva變playboy？
撰文：鄧樂宜
出版：更新：
韓國音樂才子鄭俊英今日嚟到香港出席記者會，宣傳即將啟播嘅tvN旅遊節目《都市蜜遊》，呢個節目入面，鄭俊英會分別同黃心穎、雨僑及倪晨曦遊覽倫敦、四國及釜山3大城市，今日4位主持就現身旺角朗豪坊同粉絲見面。
攝影：梁碧玲
鄭俊英多謝黃心穎、倪晨曦同雨僑3位女神不斷讚他！
難得鄭俊英來到香港，不少粉絲都聚集在會場等睇偶像，今日正值係oppa出道4周年嘅大日子，有粉絲拉起「恭喜出道4周年」的應援手幅，甚至有粉絲從印尼遠道而來支持，音樂才子人氣認真犀利！
問到做過最sweet的事情是甚麼，鄭俊英就秒答話係唱歌，果然係音樂才子！
今日鄭俊英同黃心穎、雨僑及倪晨曦3位香港女神一齊接受訪問，鄭俊英笑言今次行程做咗好多浪漫又甜蜜嘅事，當中最甜就應該係佢對住女神唱歌嘅一刻。不過鄭俊英就話自己對住3位女神都唱過歌，竟然有啲花花公子playboy嘅感覺！鄭俊英仲用英文大叫：「我愛香港！我愛蘭桂坊！」唔通oppa落咗老蘭夜蒲？
鄭俊英直言愛香港又愛蘭桂坊，唔知呢趟旅程oppa有冇去過呢？
+8
可以同時同黃心穎、雨僑及倪晨曦3位女神一齊去旅行，唔知鄭俊英又有咩冧女必殺技呢？鄭俊英初時呆呆哋用普通話講：「不知道！」但之後又用英文話：「Spend a lot of money！」仲爆料指住黃心穎話shopping，睇嚟鄭俊英今次旅程同3位女神都熟咗好多！
今日係鄭俊英出道4周年嘅大日子，喺香港過真係好難得！有粉絲近距離見完oppa仲忍唔住大聲嗌：「好靚仔呀！」
想知道更多鄭俊英拍《都市蜜遊》同黃心穎、雨僑及倪晨曦，仲遇上咩趣事？記住留意我哋《香港01》之後嘅報道喇！我哋仲會有好多鄭俊英嘅靚相添！
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/