【爸爸去哪兒】嗯哼突襲攬實小泡芙 劉畊宏嬲爆:我還在這裡呢!

撰文:
最後更新日期:

《爸爸去哪兒》第一集嗯哼突然偷鍚小泡芙,搞到杜江相當尷尬。(網上圖片)

《爸爸去哪兒》第五季除咗有陳小春父子討人歡喜外,可愛小泡芙亦吸引到大班泡芙粉,當中最出位的粉絲莫過於嗯哼。身為泡芙粉絲旗下的「大將軍」,嗯哼身先士卒,早幾集《爸爸去哪兒》已經偷偷錫咗女神一啖,今集「大將軍」再有新作為,竟然直接攬住小泡芙,搞到劉畊宏嬲爆!

節目花絮見到嗯哼為見泡芙,竟然死守在廁所外!(網上圖片)

最近在《爸爸去哪兒》的未播花絮就見到嗯哼為求可以見多小泡芙一面,就連女神去洗手間的時間都唔放過,要企喺洗手間門口守候!即使爸爸杜江叫嗯哼走,他也懶死唔走,真係痴心情長劍!而當小泡芙自洗手間一出嚟,嗯哼第一句並唔係同她打招呼,竟然係叫她抱抱!又擋住劉畊宏行路,搞到劉畊宏哭笑不得,不過網民最激氣的都係杜江竟然唔喝住嗯哼,由他自己亂咁嚟!

杜江點樣都喝唔住嗯哼,無奈到呢!(網上圖片)

為了引起小泡芙注意,嗯哼竟不惜擋住劉畊宏去路。(網上圖片)

直到《爸爸去哪兒》的中段,說到爸爸同孩子們一齊睇皮影戲,小泡芙見到隻蜈蚣公仔即大叫:「好可怕啊!」嗯哼聽到後竟無喇喇攬實小泡芙,仲挨個頭埋小泡芙度,成個冧樣出哂黎!小泡芙爸爸劉畊宏見到嗯哼咁冇大冇細,當然嬲爆更怒睥住嗯哼話:「我還在這裡呢!」直至皮影戲結束,劉畊宏都耿耿於懷,但杜江就好似冇事發生,網友們紛紛大鬧他點解唔管好自己個仔!

嗯哼突然攬實小泡芙,超級開心!(網上圖片)

劉畊宏見到嗯哼太熱情,即刻嬲嬲話:「我還在這裡呢!」(網上圖片)

+10
+9
+8

試問有邊個唔想自己的子女靚仔靚女,討人歡喜呢?但假如遇到嗯哼呢一種超級粉絲,身為父母的你就認真頭痕,皆因你要想盡辦法保護好仔女,避免他們受到瘋狂粉絲的滋擾!劉畊宏已經算保護得小泡芙好好,自從《爸爸去哪兒》第一集嗯哼偷偷地錫咗小泡芙一啖,劉畊宏已經對嗯哼有所警戒。之後,跟住幾集都同小泡芙形影不離,提防嗯哼埋她身邊,但嗯哼抽小泡芙水的方法層出不窮,試問劉畊宏又點可以防得哂?惟有希望杜江可以好好教導嗯哼啦!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。