【多圖】林愷鈴傳簽杜琪峰入娛樂圈 龔慈恩囡囡係最完美星二代

撰文:
最後更新日期:

提起龔慈恩一眾90、00後未必會知道佢係邊個,佢係80年代喺大台專做氣質美女嘅演員,當時大家都拎佢同趙雅芝比較,最有印象就係佢拍《西遊記》做觀音,嗰陣神韻係佢先做到!可惜佢結咗婚之後已經淡出幕前,係最近因為囝囝囡囡開始大,佢先再出返嚟拍劇,依家套熱播大陸劇《那年花開月正圓》佢都有份,係做孫儷嘅奶奶。龔慈恩出席活動時經常都會帶埋囡囡林愷鈴(Ashley),阿囡完全係遺傳晒媽媽的完美基因,瓜子臉大眼睛,根本就成個模特兒,係仙氣!有傳佢已經簽咗杜琪峰嘅經理人公司(銀河海潤),同劉德華一齊拍年尾上映嘅電影《熱血合唱團》,真係好期待佢嘅演出。

林愷鈴深得媽媽龔慈恩遺。(網上圖片)

係仙氣啊!(網上圖片)

+16
+15
+14

Ashley雖然生得好成熟,成個Model咁,但其實佢真實年齡只有17歲,依家喺聖保羅男女中學讀緊中六,雖然下年就公開試考大學,但媽媽龔慈恩都好支持囡囡課餘時間去影下廣告相。Ashley細細個已經入香港兒童合唱團,小學已經有玩朗誦隊,課外活動仲會去學劍術、騎術同滑浪風帆,可以話文又得武又得。唔止啊!Ashley仲識拉中提琴、吹長笛、彈鋼琴、聲音、作曲,唔入娛樂圈真係晒咗佢,Ashley可以稱得上係最完美嘅星二代!

林愷鈴天生成個model咁。(網上圖片)

+13
+12
+11


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。