【反黑】張Sir陳國坤劇透:無乜邊個好下場

撰文:
最後更新日期:

以80年代香港皇家警察為背景嘅網劇《反黑》,集陳惠敏、吳孟達、吳岱融、吳家麗等好戲之人飾演江湖中人,惡鬥陳小春、陳國坤、李璨琛等嘅反黑組。唔少人都覺得《反黑》根本就係《古惑仔》劇場版,但沒有了鳥鴉(張耀揚)、大天二(謝天華)同大飛哥(黃秋生),又哪來完整的《古惑仔》!身為《反黑》核心人物嘅陳國坤呢日接受訪問時,就透露第二季將有更多猛人登場,更預告B1-1將會有大事發生。

對於《反黑》成績,陳國坤表示:「好滿意。」(江智騫攝)

《反黑》內地播放平台優酷點擊率已衝破8億,而YouTube頻道,單係預告已經一日有5萬。身為監製兼演員嘅陳國坤都話好suprise,他說播放版權雖然是賣給大陸,但一開始已堅持《反黑》要有香港本地特色,用華人警察拆解黑社會、對抗黑勢力,在零刪減的情況下通過國內的審批,或許對他們來說已經是一個好開始。「其實我哋無特別玩鏡頭或用什麼手法,真係好實在咁去拍,所以好suprise香港觀眾會咁受落。」
 

「我做臥底大家都覺得係笑料,但我擺明就係去收料,要做到黑白我都能夠動用,唔係點搵big boss。」咁big boss到底係邊個呢,張sir話唔講得,而今季亦都未必會現真身,啊!!!

花了兩年時間籌備,陳國坤說最難是演員部分,尤其是近年身體響起警號的吳孟達。「我真係去求佢,同佢講每日拍3、4個鐘,7日唔得拍夠14日,劇本未有佢已經推,佢話唔拍網劇,後來佢睇咗自己部分嘅劇本,話有得諗,再搵佢一次,佢當時有劇在身,要睇下體力得唔得,到第三次搵佢,叫我俾埋其他劇本睇睇,他說:『劇本好嘢,我幫你拍。』」三顧草廬齊集幾位老戲骨,難得一聚,在片場傾到無時停,就連埋位roll機都話要開支wine飲兩杯,真係快活過神仙。

陳國坤早在《少林足球》時已認識吳孟達,之後在內地並不時有合作,為了《反黑》,陳國坤先後飛到北京「求情」,觀眾賺晒。

《反黑》即將迎來第一季大結局,但唔少話事人先後被「蓋旗」,陳國坤更笑言:「其實都無乜邊個好下場。」咁第二季點搞先?對於網民強烈呼喚嘅《古惑仔》鳥鴉(張耀揚)、大天二(謝天華)同大飛哥(黃秋生),陳國坤就好淡定咁話:「呢啲會有。」而且更暗示並非斟酌中,黑有齊,咁白呢?演警察演到深入民心的李修賢呢?陳國坤說李Sir隨時會出現。換言之,真係會有「我最期待的畫面」,但由於第二季最快都要明年開拍,所以大家都真係要等等。

髮型:Tim Chan
化妝:Yanness lee@ndnco.co

佢話有!佢真係話第二季會有烏鴉呀!

陳國坤透露吳岱融亦都係一開始就話唔拍,幸好最終答應演出,韓彬真係型到裂。

一roll機就嗌開酒飲,茶杯入面嘅莫非係紅酒?!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。