《親愛的客棧》劉濤做老闆超孤寒 員工飲水都要俾錢
撰文：黃朗鈞
出版：更新：
趙薇主演的內地綜藝節目《中餐廳》早前正式播畢，節目大受好評。（網上圖片）
內地綜藝節目《中餐廳》早前正式收官，湖南衛視睇到節目大受好評，口碑盡收，決定食過返尋味，再推出經營真人騷《親愛的客棧》，節目由《瑯琊榜》的霓凰郡主劉濤連同佢老公王珂，一齊去到少數民族地區，用20天的時間開一家客棧，做下客棧老闆。
湖南衛視即推同類型節目《親愛的客棧》。（網上圖片）
《親愛的客棧》的自由度相當之大，客棧的房間和配套服務一切都係由劉濤決定，例如商量開店的準備和民宿的定價，可以話係《中餐廳》的翻版，只係一個開餐廳一個開民宿，但係經營角度來講，趙薇管理的表現絕對比劉濤高一班。
劉濤的演技毋庸置疑，但經商經驗就有待改善。（網上圖片）
皆因趙薇在《中餐廳》裏充份表現出一個稱職的老闆的形象是怎樣，例如令員工融洽相處，掌握每個員工的優缺點合理分工，使餐廳營運得井井有條。但作為《親愛的客棧》老闆的劉濤，就冇趙薇咁得體，一開工就叫員工：「想飲水就俾錢買。」小小的細節就睇得出劉濤的管理能力冇咁好，仲比網民話：「堂堂一間大客棧，使唔使咁孤寒呀，咁搞劉濤啲員工肯定唔團結。」
趙薇平易近人的態度深得觀眾愛戴，被譽為最好老闆。（網上圖片）
不過《親愛的客棧》以情侶檔拍攝，身為人妻的劉濤當然只有老公，對待下屬視若無睹亦在所難免。但既然上得節目，劉濤都應該照顧下其他工作人員，就好似趙薇咁，食飯果陣都被員工吃先，最後才輪到自己，感覺貼地近人啲，觀眾又開心啲，可樂而不為呢。
劉濤經常陪伴老公王珂，難免令一些嘉賓有點寂寞。（網上圖片）