【使徒行者2】袁偉豪戴80萬名錶拍劇　天堂哥揸埋波子身家十級跳

袁偉豪自2007年香港先生選舉贏了冠軍簽約TVB之後，就一直以綠葉身份拍劇，這十年拍過三十多部電視劇，可惜當時大台力捧「新五虎」林峯、黃宗澤、吳卓羲、陳鍵鋒和馬明。捱足十年等到他們相繼離巢北上發展，袁偉豪終於捱出頭，上年的神劇《城寨英雄》令他極速上位，劇集風靡整個華語地區，令他人氣直升，加上牙佬時不時又大騷肌肉，這部劇為他帶來了不少廣告和代言，名錶、信用卡、健身產品、名牌服裝，可算是荷包大豐收的一年。

17年袁偉豪繼續受大台追捧，擔正和苗僑偉、陳豪等合演重頭劇《使徒行者2》，角色天堂哥玩世不恭，喜愛夜蒲的性格與之前他演過的角色大相逕庭，加上集集騷肌露肉，吸納女粉絲可謂零難度。劇集裡的他經常流連夜場，衣著光鮮，入型入格，仔細一看，天堂哥就連手上戴的腕錶也不惹小，居然是奢華品牌Richard Mille的名錶，價值約80多萬，鏤空機芯是這個品牌的標誌。翻看劇集片尾贊助商部分，這隻銀似乎是袁偉豪自己的私伙飾物，並非贊助，看來袁偉豪最近真的賺不少。

前一陣子袁偉豪被媒體發現他最近購入保時捷名車，新款「Cayenne Turbo」價值200萬元，記得才在上年，他分享豪花十數萬的買入寶馬電單車，想不到事隔一年，袁偉豪升價十倍，不知道是不是為了襯返富貴女友張寶兒而一擲千金呢？

袁偉豪曾經講過自己鍾意買錶襯衫，平時見佢戴的款式都比較平易親民，大家不妨參考吓：

其實袁偉豪本來是個「慳家仔」，他曾坦言最大的目標是上車，並不會隨便亂花錢：「有啲錶想買好但唔捨得買，最貴五位數，太貴唔捨得買，留返嚟儲錢買樓同鑽石。」他的話一點都不假，看他在網絡上分享的生活照，手上戴的都是帝舵（Tudor）或者萬寶龍（Montblanc），價值約數萬元，今次大手筆買入Richard Mille的名錶，莫非袁偉豪已經不打算儲錢買樓？定係已經搵夠一炮過呢？