37歲胡杏兒順產誕下仔仔　 英文名Brendan愛爾蘭代表王子

前排大住肚去《胡說八道真情假期》的胡杏兒終於生咗喇！早前胡杏兒係IG宣布順利誕下重約8磅的囝囝，老公李乘德仲特登為BB改咗英文名「Brendan Lee」，仲話係一個愛爾蘭名字，係解王子，而依個名仲要係發夢果陣時諗出嚟，連發夢都諗住囝囝個名，真係夠哂浪漫。

話說杏兒上年12月同老公李乘德（Phil）拉埋天窗，結婚只有兩個月就宣布有咗BB，係「胡說八道會」姊妹中首位媽咪！但懷胎期間杏兒一啲都唔錫身，更經常出席公開活動，又宣傳她在內地拍攝的《那年花開月正圓》，又同好姊妹到澳洲拍《胡說八道真情假期》，仲勤力過冇懷胎的時期，直至到預產期一個多前先宣布停工休養。

而老公係IG立即開post話：杏兒未必有時間覆到大家，只透過所屬的經理人公司宣傳部回應：「我哋已經返咗屋企，因為都有啲攰，開始餵人奶，要閉關啦。多謝各位祝福，我哋母子平安，好開心順產成功，感恩！」