【使徒行者2】卓Sir係天煞孤星 又一個身邊臥底被死神召喚
撰文：黃梓恒
出版：更新：
上集講到卓Sir成功組成民間刑事情報科。（電視畫面）
《使徒行者》隔咗兩日終於同大家又再見面，上集講到徐天堂爭啲俾飛機篤爆佢係臥底，結果同樂少兩個人夾手夾腳殺咗飛機，魏德信嬲到震，決定要將成個福和刪除。而卓Sir成功組成民間刑事情報科去調查黑警，樂少同徐天堂兩人終於冰釋前嫌，成功講和。另一邊廂，魏德信殺死了自己的合作夥伴Mr. White，看來他還有更加大的作為。
以下有少量劇透，逃生門在此。
飛機俾樂少誤殺死。（劇照）
話返轉頭，劇初卓Sir應承過好朋友兼同事黎Sir，會盡力幫佢搵返失散咗嘅臥底同保護佢哋嘅安全。臥底暫時成功搵咗3個（樂少唔計住，詳情請睇：http://bit.ly/2fXh7ER），最新加入嘅Cherry就最令人估唔到，呢樣不得不讚吓編劇嘅功力。但係Cherry只得短暫嘅光輝，因為今晚佢就會俾自己的黑警男朋友朱志彬射殺，結局十分淒慘。卓Sir最終都係做唔到應承咗黎Sir嘅事，不過其實都唔怪得佢，因為佢好似永遠都有陣黑氣纏身咁，喺泰國死咗5個臥底（當中有一個可能未死，詳情請睇：http://bit.ly/2icUcpJ），返到香港好兄弟黎Sir死咗，徒弟朱志彬又變黑警，絕對可以做劇入面嘅黑仔王。
Cherry直到死前一刻都覺得朱志彬係好人。（劇照）
Cherry就已死咗，麥明詩(Louisa)嘅戲份亦隨之落幕，不過未必會有人覺得可惜，始終她的演技一直被人恥笑。不過繼《賭城群英會》小試牛刀之後，今次在《使徒行者2》的表現尚算有進步，起碼已經搣甩咗剩係讀對白呢樣缺點先，開始有返多啲用身體或者面去做戲，再無咆哮式演技，立即順眼不少，之後緊接播放嘅《誇世代》又係有佢份，希望佢會繼續有進步喇。
今次Louisa演技真係有進步嘅。（劇照）