【爸爸去哪兒】食火龍果變孖潤腸 貪靚Jasper:鏡頭拍上怎麼辦!

撰文:
最後更新日期:

Jasper會唔會分火龍果比小泡芙呢?(網上圖片)

內地綜藝節目《爸爸去哪兒》第五季越播越紅,大家除咗鐘意睇cute到爆的小泡芙與父親的溫馨場面,香港代表陳小春與Jasper的互動亦受到廣泛的關注。過往幾集嗯哼經常撩小泡芙,惹嚟劉畊宏不滿,所以係新的一集,小泡芙與Jasper編為一組,一齊去農場採火龍果,Jasper仲食得太忘形,食到成變臘腸嘴超級搞笑。

Jasper實係會喇。(網上圖片)

最新一期《爸爸去哪兒》的節目預告啱啱播出,各位萌娃開始進入狀態,互動變得親密起來,今期Jasper同小泡芙一齊去農場度揀火龍果,唔知Jasper係咪未見過火龍果,他一睇到火龍果超級興奮,即刻問小春可唔可以食。小春當然即刻應承,唔通又想比老婆鬧咩,但眼見小泡芙係側邊望實Jasper果個火龍果,小春就叫Jasper吃火龍果之餘,開心share個比小泡芙。

小泡芙就怕怕地唔敢收。(網上圖片)

大家都知道自從嗯哼撩小泡芙之後,劉畊宏似乎有提過小泡芙唔好亂收男仔送的東西,所以當Jasper問小泡芙食唔食的時候,小泡芙答:「不要,想回去跟爸爸一起吃!」硬的一套唔受,軟的小泡芙會受掛,Jasper就當住她臉前咬幾啖仲話:「好好吃呀!真的好吃呀」,不停誘惑小泡芙,終於小泡芙終於忍唔住引誘,拎咗個一齊食。但最搞笑的都係Jasper食下食下,竟然食到成嘴火龍果汁,成口紫色汁圍住嘴邊,十足十條梁朝偉經典同款臘腸嘴。

Jasper食到變污糟貓。(網上圖片)

Jasper察覺到之後,竟然慘叫一聲:「被鏡頭拍上怎麼辦!」仲即刻問小春:「給我一張Tissue!」即刻進行形象管理,一眾網民睇到之後都大笑指Jasper實在太可愛了,食完先知道有偶像包袱,可愛指數滿分。

Jasper偶像包袱:「被鏡頭拍上怎麼辦!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。