六合彩王子蔡國威歸位 事隔兩年再做主持：感覺好神奇
撰文：林通賢
出版：更新：
蔡國威過無綫後發展不俗，劇集亦一部接一部，亦和不少亞視人在重聚。
2015年亞視結業，不少藝人轉投TVB，除了大家熟悉的游生袁文杰外，令一位非常入屋的前亞視藝員蔡國威，亦已加盟了TVB一年多，提起他一定想起六合彩王子這稱號，而王子將會今晚（19日）歸位，主持今晚六合彩直播，蔡國威接受《香港01》訪問，表示自己很期待，他說:「感覺好神奇，我自己都想做返，記得當年喺亞視最後一集，我最後喺講有緣再見，估唔到真係有機會，其實幾個月前綜藝組嗰邊有同我講，我當然即刻答應啦，因為我好鍾意做六合彩，有好多人因為呢個節目而認識我。」
蔡國威一入無綫即拍劇集《天命》，和游生、陳展鵬、張文慈等再合作。
雖然蔡國威主持了六合彩多年，但今晚重操故業，原來事前都做了不少準備功夫，他說:「我都要去綵排一次，始終唔同台做,大家攝影機位置都有分別，同埋今次佢哋想我有新形象，所以試衫試咗好多次，佢哋今次揾designer幫我改哂造型，想我再後生啲啦。」
蔡國威除了工作，平時多數去健身室。
亞視結束後，蔡國威即簽無綫一年約，原來最近再續約兩年，他說：「我開始同無綫簽一年先，咁最近就再簽兩年囉，我覺得自己而家一步步嚟啦，起碼公司由一年約，都變咗開兩年俾我，都應該滿意我啩，咁希望可以做六合彩之餘亦keep住拍劇，因為而家有5個主持，咁大家可以輪班，放假，咁我就唔會難度期囉。」
+1