【東張西望】直擊婦人餵坑渠老鼠 靚女主持利穎怡：我真係好驚
撰文：林通賢
出版：更新：
《東張西望》昨晚直擊婦人餵老鼠，坑渠老鼠亦有出鏡。
昨晚晚飯時段，如果有收看《東張西望》應該吃不下飯，事關節目介紹一位婦人每日黃昏時段，到油麻地公園附近，自備食物餵老鼠、曱甴，還將老鼠進食場面拍下，認真到似動物紀錄片，不過就難為了坐在電視機面前的觀眾，但要讚《東張》攝製隊認真，整個過程相當埋身，除了拍到婦人餵食畫面外，用什麼食材都有超近鏡，原來婦人用白米及新鮮橙肉餵給老鼠、曱甴，更到街市為她的「竉物」買新鮮食材，不過最慘的是主持人利穎兒Joan....
利穎兒埋身訪問婦人，與老鼠只隔一呎，呢份工真係唔易做。
利穎兒這位《東張西望》主持，全程貼身追訪這位婦人，雖然婦人全程不理睬她，但她仍鍥而不捨，令到不少網民讚她專業，利穎兒接受《香港０１》訪問，她表示過程都真係好驚，她說：「直頭嚇死我，雖然我喺外國讀書都同老鼠一齊住，但都真係好驚，我都唔係好敢埋身，但導演都叫我近少少，呢樣都明白，所以真係要硬着頭皮囉，咁做嘢冇辦法啦，其實我由細到大都同老鼠好有緣，細個屋企有老鼠㗎，仲咬爛我啲衫，之後讀書出嚟住又有，就算到而家我屋企都有，不過好彩我爸爸幫我搞掂，我哋跟咗呢個case一個星期，拍就3日，我拍完都即刻返去洗衫，先用手洗，之後再擺去洗衣機，但都獨立洗，因為怕整污糟其他衫呀....」
+12