【星和無綫電視大獎】開始喇 「TVB最佳新人」謝東閔湯洛雯得獎

撰文:黃梓恒
出版:更新:
恭喜晒兩位。(BigBigChannel)

《星和無綫電視大獎2017》終於開始喇,今次第一個獎項係「TVB最佳新人」,分別由謝東閔和湯洛雯得獎。謝東閔表示今次係自己第一次真正拎獎,之前剩係打機先拎到,今次終於可以拎個人獎喇,仲覺得自己今年掂呀!至於靚湯拎完獎表示仲有少少緊張,因為第一個獎就係自己,真係有機會拎獎實在太開心。兩位都表示第一次拎獎,亦是今次頒獎禮第一個上台拎獎的人,所以真係特別緊張。

東閔今日好型仔。(星和亞洲娛樂)

謝東閔2010年入行,其實公司一直都好鍚佢,好多時都有男配角俾佢做,雖然今次呢個獎嚟得遲,不過都總好過無。至於湯洛雯作為湯鎮業姪女,2013年是港姐冠軍的熱門人選,可惜六強止步。不過第一套劇《愛·回家》裡飾演「李思思」就成功為人注意,今年幾套劇包括《與諜同謀》、《心理追兇 Mind Hunter》、《同盟》和《燦爛的外母》都演得十分好,今次拎獎可謂實至名歸。

靚湯真係好靚。(星和亞洲娛樂)