【爸爸去哪兒】小春劉畊宏帶b翻拍《頭文字D》 家庭四輪車照飄移
撰文：洪曉璇
出版：更新：
2005年上映嘅電影《頭文字D》，香港票房近3800萬港元，成為當年度香港華語片冠軍，亦係唔少人心目中嘅動畫改編電影經典作。一別12年，居然喺螢幕上見到，陳小春同劉畊宏再次同場飛車，須藤京一同岩城清次，今次有拍檔變對手，到底邊個會贏呢？
陳小春連家庭式單車都可以用嚟賽車，果然好似大細路一樣。(影片截圖)
內地節目《爸爸去哪兒5》中，一眾可愛嘅星二代固然搶盡風頭，幾位爸爸點樣照顧小朋友，行嚴爸定慈父路線亦好值得借鏡。陳小春、杜江、劉畊宏、吳尊同鄧倫看似互無關連，新一集中幾位爸爸踩家庭單車載仔女，小春發力狂追畊宏一幕，令網友憶起電影《頭文字D》當中飆車畫面，挑起大家不少回憶。
須藤京一以及拍檔岩城清次。(影片截圖)
陳小春與劉畊宏都曾參演電影《頭文字D》，分別飾演須藤京一以及佢嘅拍檔岩城清次。當時佢地相約周杰倫，到秋名山上賽車，小春於賽車時凌厲眼神，至今讓人印象深刻，估唔到12年後呢一幕尬車畫面，會喺《爸爸去哪兒》中重現，不過就唔係CE9A(須藤京一戲中車款)，而係家庭式三人單車。
+2
劉畊宏載住小泡芙悠閒踩車，點知小春忽然發力狂踩爬頭，有網友特別將兩個畫面重新剪輯、比較，引起不少關注。事隔12年，除咗陳小春同劉畊宏，《頭文字D》嘅演員好似周杰倫、陳冠希紛紛升格做爸爸，唔少影迷都留言呼喚，如果可以齊齊帶B再戰一場就好啦﹗
如果周杰倫同陳冠希都帶埋小朋友出嚟，一定好哄動。(Facebook圖片)
+9