【宋仲基宋慧喬】下星期就結婚！ 宋宋CP行街仲要帶住「電燈膽」
撰文：黎嘉穎
出版：更新：
宋仲基、宋慧喬下星期二就結婚，不過二人似乎仲肯大方放下閃。（網上圖片）
因為韓國神劇《太陽的後裔》而撻出愛火的宋仲基、宋慧喬（宋宋CP）下星期二就會在首爾行禮榮昇做夫妻，得閒放下閃、出街拍下拖平常到唔平常，不過這對準新人似乎對於「公開戀愛」仲好避忌，日前出外拍拖仲要帶住個「電燈膽」同行，仲要行到離行離迾，Come On，唔好咁怕醜喇！
有網民再撞到宋仲基、宋慧喬行街，不過同行仲有個「電燈膽」。（影片截圖）
宋慧喬仲要同未來老公行到離行離迾。（影片截圖）
【宋仲基宋慧喬】婚前甜蜜拍拖 宋慧喬post準老公視角相曬恩愛
有網友就公開了一條野生捕獲宋仲基、宋慧喬似是Shopping完的短片，頭帶行先的宋仲基就反戴Cap帽以杏色大褸現身，仲一手拎住戰利品，一手插袋的邊行邊同觀圍的人點頭，之後就有一名不知名的女士行中間，至於宋慧喬就以全黑打扮殿後，亦有點下頭同圍觀的人示好。呢對宋宋CP雖然高調現身，沒有戴口罩黑超避關注，但又低調的用個「電燈膽」隔開自己，又唔拖實手仔，究竟他們有冇心放閃？！
其實佢兩公婆最近都成日被人野生捕獲。（網上圖片）
+9
另外，今日宋仲基亦被影到外出，同行仲有兩位男士，未知三人圍住企在討論甚麼大事。而今次未婚婦宋慧喬就未見有同行。
今日宋仲基又單拖出街，唔知同兩個男人傾乜呢！（網上圖片）
【宋仲基宋慧喬結婚】宋宋CP黑白婚照曝光？ 粉絲送禮賀oppa生日
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/