【BTS防彈少年團】Halloween前闖喪屍樂園　Jimin狂叫J-Hope甩鞋

「世界彈」防彈少年團（BTS）每個星期都會有自己嘅團體綜藝節目《Run BTS!2017》，今集就講到防彈少年團去到韓國好出名嘅愛寶樂園夜會喪屍。之不過，原來BTS想去，實情係節目組「呃」佢哋話係去夜間動物園，《Run BTS!2017》節目組，真係每次都會帶新鮮感同歡樂俾防彈少年團同A.R.M.Y（BTS粉絲）啊！

當BTS乘坐的觀光巴士去到途中，眼利嘅Suga已經發現唔對路：「明明就係喪屍Run！我都話咗夜晚唔好出去㗎啦！」而大哥Jin就話：「我就知道係咁（無好嘢）！」車內嘅導遊即率先帶J-Hope落車體驗一下同喪屍近距離接觸，而細膽嘅J-Hope本來想捉住張凳死唔落車，不過《Run BTS!2017》製作組又點會俾佢得償所願，最後J-Hope都係被強行帶落車。而當J-Hope落車無耐就已經被喪屍發現，嚇到佢即刻跑返上車，跑嗰時仲鞋都甩埋，光住腳咁跑，直到佢坐返低先發現，仲同Jin講：「哥哥，我跌咗隻鞋喺出面啊！」BTS其他成員就梗係拍晒手掌大笑，當時佢哋仲未知道自己都好快要落車！

【MAMA】BTS防彈少年團確定出席香港場　I.O.I再度重現Pick Me

防彈少年團落車同一眾喪屍摶鬥後，成功分好組去下一關嘅「喪屍密室逃脫」。BTS分成3組，A隊：Rap Konster、V同柾國、B隊：Jin同Suga，而C隊就有Jimin同J-Hope。本來3隊BTS都有各自唔同嘅路線，但就因為佢哋喺驚惶不安之下亂跑亂行亂叫，行錯路線又拎錯隔離隊嘅提示，令節目組都忍唔住直接宣佈3隊BTS都任務失敗！

【BTS台灣演唱會】防彈少年團Jin搞到粉絲有BB？　貪玩ARMY遭通緝

不過最好笑嘅都係Jin、Suga、J-Hope同Jimin嘅反應，事關Jin同Suga喺密室入面亂跑之後，被尾隨嘅《Run BTS!2017》攝影師嚇親幾次！到最後Jin仲推攝影師去前面開路話：「你唔係要喺前面影我哋㗎咩？」而Suga最後就好似放棄自己咁，用繃帶包住自己嗰頭，偽裝成喪屍，又學喪屍叫，仲喺地度爬，真係笑到窒息！今集《RUN，BTS》 A.R.M.Y真係好難抗拒！

更多BTS防彈少年團圖片：

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/