【怪奇物語2】毒男阿哥係人生勝利組？　戲裹戲外同Nancy都係一對

《怪奇物語》昨日就終於在Netflix開播。成套劇10集，對於各位上班族來說要一次過睇晒真係唔容易。唔知大家又追到第幾集呢？作為一套驚慄奇幻的網劇，其實很多人都會集中於小主角Eleven，Will等人的歷險上。不過，網上也有不少人關心其餘角色，就例如劇中的「萬年毒男」Jonathan Byers（劇中小主角Will Byres的哥哥）和品學兼優又靚女的Nancy Wheeler（Mike Wheeler的姐姐）。大家一邊睇，都會一邊緊張他們兩位會不會修成正果。大家都明白（或者體驗過），身為一個毒男要追女神係何其困難嘅事。

第一季Jonathan（Charlie Heaton飾演）與Nancy（Natalia Dyer飾演）之間的發展，可謂是道出了很多人的心聲。Jonathan生於一個破碎家庭。父親離開家庭後，母親又要出外工作，以至照顧弟弟Will的責任就落在他身上。性格孤癖的他，又因此而在學校變得不受歡迎。當弟弟Will失蹤之後，Jonathan在尋找期間才碰上心目中的「女神」Nancy，並一見鍾情。不過當時Nancy正在與學校萬人迷Steve約會中，加上當時弟弟Will失蹤，性格孤癖的Jonathan又更加害怕追求Nancy。唉，真係睇到觀眾們咬牙切齒，好心你鍾意人就放膽追啦。

不過做戲還做戲，現實還現實，劇內是毒男的Jonathan其實已經與Nancy「修成正果」。就在10月初時，更被拍得2人拖住手仔在紐約行街約會。Nancy在接受外媒訪問時回應說：「 無論是約會或者一起出門，我都覺得對我們演員之間都是好的。我意思是，我不會代表任何人說話。我們是一個大家庭。」雖然Nancy個instagram一早就有相為証，不過女神又冇否認或者承認喎，真係奇怪。

另外就是，較早前10月27日就是《怪奇物語2》於美國的首播會。全體演員也有出席，不過就唯獨欠Jonathan （Charlie Heaton飾演）。正當所有人都奇怪為甚麼Jonathan沒有出現時，外媒The Sun就報導，原來因為Charlie Heaton由英國入境美國時，在美國關口被搜出「極小量」的可卡因。而有消息指，「他沒有被逮捕，他只被關在機場一段時間，然後在那天晚上就被放走坐回飛機返倫敦」。劇組的發言人就表示，「不就事件評論，也不代表Charlie Heaton （Jonathan） 不會參與之後《怪奇物語》其餘季度的拍攝。」睇嚟今次Jonathan真係變「真毒男」啦，唔知下一季佢仲有冇份拍呢？