衛詩雅渡海泳挑戰成功：以後過海唔怕塞車

衛詩雅（Michelle）才剛在日本完成電影拍攝，今早（29日)已即趕回香港，與「港隊飛魚」歐鎧淳等暢游維港，最終以25分鐘完成賽事。Michelle完成挑戰後表示:「之前反而成日諗同擔心，但來到現場又突然好冷靜，我在日本拍戲時都有做gym練水，最怕是游錯方向咋。」她又多謝日前阿Sa、柏豪、張繼聰等人拍片為她打氣。「佢哋話得我代表電影界，完成唔到就有啲難睇，搞到我都有少少壓力！」

對於自己用25分鐘完成賽事，Michelle直言感到十分滿意，更指以後不再怕過海塞車，「比我想像中快，雖然我一開始個浮波卡實咗，之後又游錯方向，哈哈！可能因為我同組有港隊的朋友，歐鎧淳及江忞懿等游在我面幫我開路。」Michelle指下年還會再參加，希望可以破個人紀錄。