【怪奇物語2】譚玉瑛唱兒歌真係集體回憶 Netflix可能貼地過TVB

撰文:
最後更新日期:

近排由Netflix製作的人氣美劇《怪奇物語》播出全新第二季,不用多說當然是大獲好評,今日下午Netflix官方Facebook就上載了一條宣傳片,仲邀請了陪伴不少香港人成長的譚玉瑛姐姐扮唱兒歌,成條宣傳片都係走80年代風格,有4位小朋友係拜爾斯城堡前話邀請一位朋友,之後著住一身80’S STYLE服裝的譚玉瑛姐姐就彈出來唱歌,勾起不少70後的回憶!

今次netflix就搵譚玉瑛姐姐為《怪奇物語》第二季拍攝宣傳片。

+9
+8
+7

好似好少見到譚玉瑛姐姐呢嗰樣!

宣傳片中無論係拍攝手法還是配樂,都好80年代!短短一分鐘的片段,4位小朋友用返《怪奇物語》首theme song唱住介紹,最重要是係同香港經典兒童節目《430穿梭機》Crossover,仲要揾埋icon譚玉瑛姐姐客串,真係不得了!宣傳片上載短短3小時,已經有好多share,不少網友都大讚Netflix今次嘅宣傳片有心思,仲留言話要「俾100分!」、「Netflix好清楚香港人要咩」,但都有人話有啲似教育電視。

上星期五進行全球首播《怪奇物語》第二季,大獲好評!

但點都好喇,大獲好評當然有原因,去年夏天上映的《怪奇物語》,講述4個小男主角加上與小女主角相遇的繼而對抗劇中的怪物,當中無論是劇情,場景甚至配樂,都充滿了濃厚的80年代風格,呢啲懷舊回憶點會唔令觀眾著迷呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。