如果有錢，有誰不想請偶像現身自己生日會？但有些明星神級數，有錢都未必請到，這個時候你需要的是面子和交情，好像香港BIGBANG演唱會攪手Ellen Kong，昨晚(30號)就在四季酒店ballroom舉行了生日會，更請到太陽來助慶，認真威水，據知要請得郁太陽，冇30萬美金都免談，但最重要是太陽識你先有情講。據知Ellen投資有道，生日會座上客有盧永仁、何柱國等財經界人仕就知，而她攪BIGBANG演唱會純為興趣，亦因此和各BIGBANG成員混熟，所以先請到太陽作生日會表演嘉賓。

其實請藝人出席私人活動，都不是新鮮事，但請到太陽就真係少有，最重要是「唔hea」，太陽昨晚唱足5首歌，十足迷你音樂會，又不斷和人合照，和偶像有超近埋身距離接觸，真係幾錢都抵啦，同場富商何柱國更坐在太陽對面，不過何生似乎和對方未混熟，和朋友寒暄多，而太陽又在玩手機，兩人似乎沒有太多溝通。