【降魔的】揸的士全部要廠景 為慳錢原來仲有另一原因

撰文:陳浩賢
出版:更新:

無綫劇集《降魔的》本周一(30日)首播,雖然仍未有鬼出現,但劇集營造出的恐怖氣氛,像羅蘭客串仿如龍婆的女乘客,在車底突然出現的「假鬼仔」,也令人大嚇一跳,不寒而慄。

劇中馬國明駕駛的士,接載黃智雯離去,但睇真背景竟然是Key上去。(網上截圖)

劇中馬國明飾演的士司機馬季,繼續的天然呆演出,之後遇上胡鴻鈞飾演的精靈「石敢當」,而馬國明還會有降魔伏妖的能力。劇中他們一班的士司機,像趙永洪、余子明、何遠東、蔣志光等均扮得入型入格,抵死過癮,但他們在駕駛的士時,背景竟然是Key上去,而且效果相當突兀,甚至可以說有點假,令劇集感覺大打折扣。

馬國明在新劇中演技備受讚賞,飾演的士司機入型入格。(網上截圖)
從另一角度睇,背景確實假假地。(網上截圖)

講述有關的士的劇集,竟然有不少駕車戲分要留在錄影廠拍攝,究竟是什麼原因呢?有份飾演的士司機,劇中花名龍貓的何遠東,接受《香港01》訪問,他表示其實是要遷就部分演員,「有啲演員無車牌架嘛,我就已經無車牌啦,咁揸車嘅畫面,咪要係廠拍囉,如果唔使開車我哋都會拍外景喎。(無車牌都可以用貨車載住架的士拍?)咁樣咪仲麻煩,而且我哋無車牌,又唔開得車,仲會阻住條街啦。」

不用開車時,清楚見到確實是外景。(網上截圖)
何遠東一開車,背景又變返做Key畫面。(網上截圖)
+3

網民估計拍廠景是想節省拍攝資金,而且可以快點完成拍攝,但何遠東就不太同意,「點會快咗呀?都用咗好多時間,而且我哋一樣要出外景。」那麼是否因為要「慳錢」,所以在錄景廠內用道具車拍攝?「唔係道具呀,真係的士來的,而且成個拍攝炸爛咗三架的士,都落重本架。」明白晒,將拍攝資金用在炸破場面,之後還有馬明和黃子恆的人魔大戰,現在駕駛的士畫面雖然假假地,希望之後勁爆的特技效果能夠補償,滿足返觀眾啦。

蔣志光駕的士時,同樣出現超假背景的尷尬情況。(網上截圖)