亞視Icon葉家寶主動搵TVB高層傾合作:我自己一手一腳搞

撰文:溫菁莉
出版:更新:
葉家寶聽到亞視復活都笑咗笑~(陳順禎攝)

「亞視會~永遠都存在」冇錯,亞視真係常在你左右!自去年4月宣告玩完之後,就真的玩完嗎?少年,你太年輕了!亞視有機會推出OTT平台,但只聞樓梯響,未有實際消息,但一傳出來都嚇到個心離一離喇。不過今日有件事都幾震撼,就是前亞視主席葉家寶在TVB的活動出現!唔通真係要換另一方式存在?

(陳順禎攝)

原來葉家寶半年前加入了創世電視做總監,為了擴展創世電視的播放範圍,就同TVB傾合作,對MyTV SUPER讚不絕口:「知道MyTV SUPER有成五百萬嘅用戶,所以都想更加多人認識創世電視,就搵咗TVB去傾。咁傾過程都只係用咗三個月,其實真係好快。我同李寶安(TVB行政總裁)都一拍即合。」今次就同TVB MyTV SUPER簽約合作,令人聯想亞視復活,加上有傳亞視會推出OTT,唔通復活成真?葉家寶聽完忍唔住笑,話:「我都知道我嘅亞視形象好鮮明,但今次唔係喇。」據知葉家寶加入創世電視後,開始積極製作短劇,葉家寶自言有搵同是基督徒的王祖藍幫手,但問到祖藍有否幫手傾簽約事宜,葉家寶否認,並表示是自己一手一腳去傾。

+1