一年一度萬聖節又到，還記得上年全城Harley Quinn，基本上當日出街總會見到一兩個。不過今年就可能會轉一轉新角色，事關Wonder Woman大年大熱，加上個妝絕對比Harley Quinn容易化，隨時今晚蘭桂坊會出現一堆各有特色的Wonder Woman。萬聖節近年在香港愈來愈隆重，大家都對這個節日可以扮鬼扮馬一番大感興趣，連一班名星都不例外，有些直情出街都認不了。

一向鍾意玩的何超蓮，當然不會放過萬聖節這個節日，雖然並不是正日，不過超蓮昨日就已經率先在Instagram「化妝」，不過就並不是真化妝，而是用手機app虛擬上去的「偽妝」，一樣省鏡。如果萬聖節化妝要講認唔出，陳貝兒今次真是很成功，而且在化妝後，看上去平起比時更加年輕。

上文都講到，Wonder Woman會是今次大熱的角色，已貴為媽媽的楊千嬅亦化身成Wonder Woman，而且還幫囝囝做了一個小魔鬼法師的造型，跟囝囝來一場battle，唔知大家又覺得邊個更入型入格呢？一個樂壇天后出現，又點少得另一個天后容祖兒，雖然都只是用手機app化妝，不過配合埋一班工作人員，又的確幾有萬聖節氣氛，見Joey沒有一點笑容，眼神空洞，完全有做鬼的精髓在內，估唔到影張相都可以入到戲，勁！有人自願化妝，都有人係被迫，好似蔡卓妍，睡覺的時候被人畫上一個簡單版萬聖節妝，輕鬆得來又應節。