【少女時代】潤娥來港出席品牌活動　多次回頭跟SONE揮手

少女時代成員潤娥（又譯：允兒）上個月都已經係個大忙人，先孖住張東健一齊做《釜山國際電影節》司儀，再又出席《大鐘獎》，更喺第一屆《THE SEOUL AWARDS》中獲得人氣獎！
攝影：黃國立

大忙人潤娥今日就抽空來港出席晏晝Salvatore Ferragamo嘅品牌活動，由於韓國嘅天氣已經轉涼，出外都要着上大褸，潤娥喺韓國上機前就着上黑色高領長袖毛衣，外配深藍色大褸，下身則着上鬆身牛仔褲，並無曬腳。

可能香港嘅天氣同韓國仍差得遠，潤娥出嚟之前已經除咗大褸。而且潤娥今日亦無行VIP通道，不過就有一眾保安包圍住允兒步行至停車場上車，但步行期間潤娥都有跟旁邊嘅SONE微笑、揮手，非常親民。潤娥更喺上車之前再度回頭，同迎接佢嘅SONE（少女時代粉絲名稱）揮手打招呼再上車離開。