【宋宋結婚】宋慧喬婚後首度更新IG 同老公宋仲基去西班牙度蜜月
撰文：沈洛嘉
出版：更新：
宋慧喬都包得密密實實準備出國。（網上圖片）
宋仲基同宋慧喬喺31日已經完婚，而宋仲基翌日去完金柱赫靈堂送別後，隨即會合老婆宋慧喬去仁川機場出發度蜜月。不過雙方公司都已經表明今次係私人行程，唔會公開宋宋嘅目的地，而大眾都只係知道宋宋會去歐洲度蜜月，所以都喺度猜測宋宋究竟會去瑞士定係奧地利，呢類景致怡人嘅地方呢？
網民就好厲害，在西班牙馬德里影到宋仲基。（網上圖片）
謎底終於喺今日揭曉，有粉絲就喺西班牙馬德里機場捕捉到宋宋夫婦嘅蹤影，宋宋夫婦着上黑色大褸、戴住帽同口罩顯得極之低調，不過都係被眼利嘅粉絲認出！
雖然呢張只係得背面，但都唔難估佢哋就係宋宋！（網上圖片）
宋慧喬今日更首度喺婚後更新Instagram發表感言：「感謝大家給予我們很多的體諒、關心、愛和祝福，真心感謝各位。」宋慧喬為方便海外嘅粉絲，更專登附上英文版本，喬妹真係好愛錫大家㗎！所以大家喺西班牙見到宋仲基同宋慧喬嘅話，記得俾返啲空間佢哋喇！
已為人妻嘅喬妹就更新同老公宋仲基嘅結婚照再寫下婚後感言。（網上圖片）
更多圖片
+2
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/