同林姍姍細女野人1年玩完 38歲崔建邦：唔想沒完沒了
撰文：郭敏玲
出版：更新：
崔健邦（Amigo）晚上亦有出席《TVB金禧晚宴暨2018節目巡禮》，上星期他就傳出喜訊將與拍拖1年嘅女友、林姍姍女兒李怡（野人，Tiffany）拉埋天窗，但日前就驚爆兩人早於兩個月前已和平分手，更火速搭上李靖筠。Amigo接受訪問時亦承認分手一事，「唔想再將呢啲消息傳到沒完沒了，所以就同Tiffany決定公布分手，覺得係時候停一停。」
崔建邦提起前女友野人時，表情無奈。（黃國立攝）
問到兩人是否因為在結婚方面未有共識，最終要以分手解決問題，崔建邦無奈否認：「唔關事，完全唔關事。」分手過程很和平，沒有因為特別原因：「其實好多都係緣份，大家有緣就走埋一齊，咁如果緣盡，咪停一停先囉。」Amigo強調自己是單身，與Tiffany的關係，就是好朋友，還會有聯絡。
崔建邦最初不欲再就分手一事解釋。（黃國立攝）
至於今年節目巡禮，過去有金牌司儀之稱的崔建邦今次反而無份做司儀，他笑話：「你問我我都唔知可以問邊個，我近排都忙拍劇喇，你都知我咁老先拍劇，成38歲人，忙住拍劇，好多嘢都係公司安排。」