【再創世紀】袁偉豪周麗淇玩姊弟戀 鍾嘉欣湊仔客串三集
撰文：溫菁莉
出版：更新：
《再創世紀》除了有郭晉安，仲有袁偉豪同周柏豪。（黃國立攝）
去年年尾憑劇集《城寨英雄》奪「最受歡迎電視男角色」獎項的袁偉豪，雖然今年只得一套《使徒行者2》作品。唔緊要！因為昨晚舉行的《TVB金禧晚宴暨2018節目巡禮》中，發現袁偉豪原來是明年有最多產量嘅男演員，一共有兩套劇《棟仁的時光》以及重頭劇《再創世紀》。袁偉豪接受《香港01》訪問時就話好滿意自己係2018年嘅表現，「出太多又唔係咁好，兩部啱啱好！」
袁偉豪係明年有最多產量嘅男演員，共有兩套劇。（黃國立攝）
講返今次袁偉豪有份參演嘅《再創世紀》，劇中見到袁偉豪同同樣是男主角之一的周柏豪有勁多對手戲，唔細心睇以為自己睇緊《使徒行者2》㗎！問到佢怕唔怕該劇被人將與《創世紀》比較時，袁偉豪就話，「完全是不同的故事，今次《再創世紀》 成個故事元素都唔同，拍嘅時候都比較慢工出細貨，所以整件事係舒服嘅。而且今次同柏豪都有合作，今次角色都好唔同 全新嘅故事喇 ，同佢開工都有默契，我地都識左咁耐，以前有同佢做過舞台劇。」希望到時觀眾唔好混淆喇！
袁偉豪透露2018年暫時只有呢兩套劇推出，「仲有啲計劃未落實嘅，所以我就未可以透露住，要計出街就係得呢兩套劇，年頭一部年尾一部，希望俾觀眾多啲唔同嘅感覺。想做多啲自己嘅嘢，希望中間嘅時間可以做返綜藝節目，keep返曝光量。」他笑言好滿意今年嘅表現，「真係算唔錯，我覺得如果一年內有兩套劇出街係最適合，因為一年出3部好似太多，同埋怕觀眾可能記得唔清楚，一年兩套已經好好。」
今次《再創世紀》仲有鍾嘉欣特別演出！（黃國立攝）
+9