【多圖】鬼怪男神孔劉韓風冬日暖男Look 孖好友MyQ遊日本
撰文：沈洛嘉
出版：更新：
孔劉幾時先再拍電視劇或者電影啊！（網上圖片）
以《孤單又燦爛的神－鬼怪》風靡亞洲嘅「大叔」孔劉，早前佢喺日本旅行嘅照片終於曝光！孔劉所屬經理人公司Management SOOP早前就公開咗部份照片，主題為《分享孔劉的日常生活》。照片中孔劉喺日本嘅居酒屋食飯飲酒，暖男嘅形象仍然非常吸引一眾女性粉絲！
孔劉同My Q Friend到不得了！（網上圖片）
Management SOOP十分明白粉絲苦苦等待孔劉嘅心，由於粉絲最近仍未能喺螢幕上見到孔劉嘅蹤影，所以Management SOOP昨日（3日）又再公開咗孔劉嘅照片，公開咗孔劉喺日本嘅旅行故事。眾人皆知，孔劉同摯友My Q Friend到不得了，孔劉之前去台灣舉行粉絲見面會時，My Q都有跟埋一齊去添！今次日本之旅又點可以少咗佢呢！
孔劉同舊式書店好夾，大家有無諗起佢喺鬼怪入面去個間《韓美書店》呢？（網上圖片）
公開嘅照片主題就係《跟朋友一起去旅行》，而孔劉同My Q都做返自己，表現出佢哋平時好Close嘅樣貌去影呢輯海報，睇到孔劉嘅照片都令人感到非常舒服的電影。孔劉同My Q仲去咗日本的舊式書店，又搭電車感受晚秋的陽光，吃各種的日本美食，睇相都覺得孔劉個人放鬆咗好多啊！另外，孔劉影呢輯相時都換咗幾套衫，男士們趁住依家仲轉緊季，都可以參考下孔劉嘅穿搭配襯，好似粗間灰白色毛衣、大長褸配白色波鞋、深藍色上衣配牛仔褲黑色波鞋等等，深色系都係入冬轉季首選。
孔劉嘅身型真係天生做Model嘅身材！（網上圖片）
更多圖片
+29
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/