TVB終極抽水玩亞視復活 陳煒袁文傑主持齋請A記同事
撰文：郭敏玲
出版：更新：
玩到真正「亞視復活」TVB都係第一次。（黃國立攝）
今日有消息就指亞視明年1月會復活，推出OTT網絡電視，好似TVB的MyTV SUPER，有機頂盒以收費模式收看，貌似硬撼TVB。不過TVB似乎懂得如何「抽水」，昨晚的節目巡禮裡，介紹多套劇集與綜藝時，宣傳片就有陳煒名亞視Oppa袁文傑出現，表示下年會推出《亞洲100道風味》。
講到明出身亞視先可以上㗎！（郭敏玲攝）
搵得袁文傑與陳煒，證明「亞洲」兩字意味深長，確實講緊不斷在我們生活徘徊的「亞洲電視」。在宣傳片裡，煒哥就話：「既然我哋亞洲電視出身嘅，就當然要主持《亞洲100道風味》喇！」之後港男麥凱程在旁想玩埋一分，文傑巴打就答：「但你唔係A記同學會出身㗎喎！下次先喇！」用亞洲電視作招徠，真是破天荒。加上自亞視玩完之後，不少亞視出身的藝員都過檔TVB，這個節目看來有得做。
《香港01》事後問到煒哥，她只講到與文傑巴打的合作源自於拍攝健康節目，而《亞洲100道風味》的詳情，煒哥只回應：「都係Sandy同我講，節目一定會拍嘅，自己都會一手煮，唔知道太多詳情呀。」而文傑巴打就話拍宣傳片時，有問過導演：「初步都係話想一班出身亞視嘅同事上到嚟，一齊煮下嘢食敘下舊。順便食埋個字，有亞洲電視，又煮下亞洲嘢喇，最好可以去埋亞洲區其他地方喇。」問到唔怕畀人又話係「亞視永恆」？文傑巴打就話：「都講咗咁耐喇，唔好咁倒退，咩永唔永恆喇！」
+4