【爸爸去哪兒】陳小春扮可愛博小泡芙歡心 可憐Jasper淚眼找爸爸
撰文：洪曉璇
出版：更新：
《爸爸去哪兒5》播出以來都大受歡迎，幾位小朋友可愛又真摯嘅一舉一動溶化觀眾同各爸爸嘅心。當中甜美又乖巧嘅小泡芙，深受眾人喜愛。先有嗯哼一見到小泡芙就想親親，然後霍思燕見到小泡芙馬上大喊兒媳婦（新抱仔），不過講到頭號粉絲，就當然係陳小春啦。新一集換寶貝環節如願以償，小春可以光明正大照顧小泡芙，笑到見牙唔見眼，可憐Jasper淚眼汪汪搵爸爸無人理。
小泡芙深得眾人歡心，好似嗯哼就多次把握機會飛撲攬攬同錫錫。(影片截圖)
陳小春喺節目播出後，曾經因為對Jasper太惡太嚴厲備受抨擊，連老婆應采兒都跳出嚟鬧佢實在太惡啦！不過男女有別，對住小泡芙嘅時候，小春唔單止一秒變溫柔，簡直係一秒變低能。朝早大家要集合時，小春Jasper沿路上遇到劉畊宏同小泡芙，陳小春馬上力誇小泡芙好似小公主一樣，仲側頭摹倣小泡芙嘅娃娃音話：「我每一天都是小公主，是嗎」，摹倣完仲忍不住摸下佢嘅面頰，沿路一齊行嘅時候眼裏只有小泡芙，親生仔Jasper呢？慢慢自己行啦。
頭側側用娃娃音講嘢，呢個霸氣盡失嘅陳小春，應該只會喺小泡芙面前出現。(影片截圖)
+5
【爸爸去哪兒】應采兒當眾錫陳小春 Jasper呷醋出手搶人【爸爸去哪兒5】Jasper即將告別幕前 陳小春拒兒子入娛樂圈【爸爸去哪兒】吳尊女兒Neinei無公主病 冒險落山坡執南瓜【爸爸去哪兒5】Max拍到嘔Neinei整傷手 小朋友輪住病慘豬豬
去到拍攝現場，小泡芙正回答村長問話嘅時候，突然伸過來一隻神秘手，幫她輕撥頭髮，唔使多問，當然又係陳小春！喺新一集預告中得知各組要換寶貝，即係幾位爸爸要抽籖照顧其他小朋友，唔知係內定還是真係咁好彩，小春居然如願以償，可以明正言順照顧小泡芙。預告中小春夜晚坐喺餐檯前問小泡芙：「會不會想我？」小泡芙諗一諗之後點頭，小春簡直好似中咗六合彩一樣歡喜若狂：「會呀，yeah！」可憐Jasper淚眼汪汪搵爸爸無人理。
對陳小春嚟講，小泡芙點頭話會掛住佢，比中六合彩頭獎更為興奮。(影片截圖)
雖然深得眾人喜愛，不過小泡芙最愛嘅依舊係爸爸，拍攝當日剛好係劉畊宏生日，佢話要為爸爸準備生日蛋糕，仲有特定口味，就係蛋白粉味道，即係平時健身練肌肉時飲嘅大隻奶粉。連慶祝生日都不忙幫爸爸keep住健美身形，小泡芙實在係太抵錫啦﹗
細細個就知食蛋糕會肥，爸爸生日小泡芙準備蛋白粉蛋糕認真細心。(影片截圖)
還記得之前的先導片中，劉畊宏被小泡芙要求穿上美人魚裝，不單觀眾難忘，連節目的其他小寶貝都對這一幕甚有印象，還拿來取笑劉畊宏。這裏由爸爸高舉以及乖乖地坐在爸爸好兄弟周杰倫旁邊的小泡芙，都是化身小美人魚，可見除小公主外，這可是小泡芙最愛的造型。（微博圖片）
+25