60歲呂良偉天價教拳CEO爭學：香港人唔會捨得俾
撰文：溫菁莉
出版：更新：
呂哥昨日和傳媒茶敘，望上去一點也不像60歲，保養更勝大台小生。
近年TVB不少小生都密密做gym，務求練出一身子彈肌、鯊魚線，看《誇世代》的陳豪同森美就知道，二人每集都爆衫騷肌，除了小生要keep，就連殿堂級的呂良偉，都keep得非常好，昨日於銅鑼灣出席茶敘時就透露原來有獨門自創秘方保持美好身段，他說：「好似我咁可以保養得咁好，就係有個方法。咁多年嚟，學咗好多派別嘅氣功同武功，將佢地總結埋一齊，做一套簡單嘅、唔阻大家時間，只要20分鐘，你堅持就有好好嘅效果，呢套就係叫達摩回春拳。」個名好勁喎.....
呂哥早前拍《真三國無雙》電影版，戲中飾演袁紹，不少網友都讚他造型更勝game入面。
那為何叫做「達摩回春拳」呢？原來和呂哥的演出有關，「因為我曾經飾演過達摩，而我嘅拳法有一門功夫出自達摩堂，咁所以我就用呢個名俾大家對『達摩回春拳』印象深刻啲。」呂良偉表示大家瞓醒就可以做，「先教你點樣呼吸，之後就做體力運動，一個月你可以瘦幾磅，又唔需要特別戒食，當然唔係暴食喇，你會睇到自己狀態好健康。」
1986年呂哥拍無綫劇《達摩》，想不到多年後，呂哥更自創了達摩回春拳。
每日只需20分鐘就有咁嘅效果，又不用戒口，聽到都好想跟呂哥學兩招，但首先你要夠叠水，因為一點也不便宜，他說：「出年3月份我會係國內教30位企業家呢套拳法。點解係大陸教，因為我收費比較高，香港唔會捨得俾。3日課程係一個五星級酒店封閉式教授。（學費幾多？）因為佢地包咗我，我諗3日大概十幾20萬人仔。」呂哥強調企業家就一定要學，「佢地嗰個見到我都呆咗，係度問我30幾歲嗰樣點解仲老過你。」3日課程要20萬人仔，還要是企業家先可以學到，好明顯這些機會不是我的。