【守護神】黃宗澤苗僑偉又合作 合拍劇香港又要遲幾多先有得睇?

撰文:
最後更新日期:

近年愈來愈多合拍戲,《踩過界》、《使徒行者2》都係TVB同內地合作拍攝,製作資金多咗,實景拍多咗演員都話待遇好咗,不過代價就係要香港劇俾內地播先,劇透到爛晒香港觀眾先有得睇。最近黃宗澤同苗僑偉到布拉格拍攝新戲《守護神》,海報及簡介流出,寫住2018年第三季播出,不過,同愛奇藝合作喎,香港觀眾會唔會19年先有得睇?

早前劇組到惠東進行開鏡儀式,黃宗澤、苗僑偉、劉心悠、陳嘉桓等都有出席。(微博圖片)

喺香港拍劇,基本上只有一間可以揀,鬼叫另外兩間免費電視台唔爭氣咩,演員除咗北上尋機會,仲可以同TVB有著千絲萬縷關係嘅邵氏。最近又流出邵氏新劇介紹,劇名叫《守護神》,有黃宗澤、苗僑偉同劉心悠,搵來萬綺雯老公鬼才編劇陳十三擔任編劇,係一套36集嘅現代商戰片。就咁睇陣容真係幾吸引,仲話去歐洲、東南亞,香港內地全球取景添,同內地愛奇藝合作,製作費真係鬆手啲。

佢地10月底喺布拉格拍攝外景,不停街拍放上網站分享。( 陳嘉桓微博)

唔係見到劇集簡介,一時三刻真係未必認得出短髮呢位係劉心悠。(微博圖片)

之前黃宗澤同陳嘉桓分別放咗一啲,喺布拉格拍攝時嘅側拍照,仲見到女主角劉心悠以短髮造型現身,好有新鮮感。睇Bosco同三哥鬥智鬥力本身係值得期待嘅,不過睇完內容簡介就有點卻步啦「國內首次以保險理賠員為視角,追查保險事故真相……」咦,內地?乜呢套唔係香港電視劇嚟?會唔會講國語?不過大家擔心都係言之尚早,事關睇番之前嘅合拍劇都係內地播先,香港觀眾想睇呀?等下先啦。

《守護神》講述「國內首次以保險理賠員為視角,追查保險事故真相……」會唔會國語對白呢?(微博圖片)

+10
+9
+8


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。