與言承旭蜜會40小時傳婚訊 林志玲現身風騷曬V
撰文：洪曉璇
出版：更新：
言承旭林志玲兜兜轉轉15年，終於再次喺正確時間對上，佢地喺馬來西亞吉隆坡蜜會消息一出，復合消息不絕於耳，林媽媽成功進佔兩岸三地娛樂版C1頭條。一齊搭電梯上房，又孖住齊齊出汗做GYM，睇嚟玩得相當高興。蜜會40小時後林志玲終於現身機場，面對記者提問風騷曬V，相信呢次旅程令佢地感情邁進一步。
言承旭同林志玲除咗去做GYM，大批喺酒店大堂守候嘅傳媒都等唔到佢地出現，似乎一直留喺酒店談心。（微博圖片）
言承旭被影到專誠飛去馬來西亞搵林志玲，仲要下塌同一酒店後，以28字回應傳媒：「很開心聯繫上了，是真誠的互相關心，看到了報道，希望大家給點空間。」而林志玲亦透過工作室回應：「謝謝大家的關心，希望能夠多留一點空間給藝人保留隱私，如果復合姐姐應該會選擇大方和大家分享喜悅。」當事人未有正面承認復合，不過台灣傳媒就搵到志玲媽媽講兩句：「以前他（言承旭）都常在我們家跑來跑去……如果他們覺得很好，那我當然OK」。好明顯連林媽媽都開晒綠燈樂見其成。
林志玲一向EQ極高，雖然未有回應記者提問，都有保持微笑及曬V。（視覺中國）
由於大批傳媒喺酒店大堂守候，都未見二人蹤影，推測佢地一直都留喺酒店內未有外出。直至12號林志玲終於現身，下晝4點左右離開酒店快步上車，趕到機場乘搭7點航班到重慶工作。身穿白色上身衫黑色裙嘅志玲，戴上太陽眼鏡一直保持微笑，全程未有回答記者提問。聽到「是否已經與言承旭復合」，佢仲佻皮聳肩，入閘前向傳媒曬V字同揮手道別，心情相當唔錯。其後亦有空姐上載照片，話喺往重慶航班上遇到林志玲，仲成功合照。
有空姐剛好於林志玲來回吉隆坡，兩程航班都有當值，讚林志玲非常親切同機組人員逐一合照。（微博圖片）
其實佢兩個情路兜轉多時，大家聽到復合消息都戥佢地相當高興，希望佢地呢次能緊緊抓住幸福，唔好再錯過彼此。去年言承旭參加朱孝天峇里島婚禮時，曾經話：「有股衝動想推開大家去接捧花。」林志玲亦長年被催婚，有知情人士甚至指佢地已經準備好婚紗，諗住到峇里島舉行婚禮，如果成事相信大家都會非常祝福。
二人早屆適婚年齡，大家都期望佢地唔好再錯過彼此，可以開花結果。(視覺中國)
+13