【蝕日風暴】拍內地網劇又靠父幹? 梁靖琪:邊個屋企人唔幫仔女

撰文:
最後更新日期:

前tvb監製梁家樹有份參與《蝕日風暴》。(陳順禎攝)

臥底劇、警匪劇對於香港觀眾應該一點不陌生,反而內地電視劇就好少有呢種題材,由梁家樹監製與內地視頻網站合拍的的超級劇集《蝕日風暴》今午就在邵氏影城舉行發布會,劇中一眾演員包括張智霖、薛凱琪、王陽明、秦沛都有出席,身為監製的愛女梁靖琪(Toby)當然要參演一角,問到怕唔怕再次被外界批評靠父親先有劇拍?Toby直言,「有邊個屋企人唔會幫自己嘅仔女,自己入行13年都好想大家記得係我嘅演技,而唔係靠爸爸任何嘢。」

Toby今次就係爸爸梁家樹監製的新劇《蝕日風暴》,飾演一名打女,仲搞到周身瘀。(陳順禎攝)

由於今次《蝕日風暴》與內地網站合作,外界都指有內地「科水」酬勞一向高,咁Toby對於今次酬勞又點睇呢?Toby笑言係好滿意,「當然係好滿足喇,知足就得㗎喇。」提到近年網劇的評價大部分都係讚多過彈,Toby都睇好呢嗰市場,「好多謝網劇嘅一切,令觀眾見返一班到好熟悉面孔的香港演員。」的確,其他角色真係熟口熟面,有梁健平、林嘉華、郭政鴻、許紹雄、麥長青及艾威等,Toby表示,「好多都係離開咗一個『大台』而去尋找一個出路,其實每個人都需要一個機會,唔好因為靠咩關係先有機會,係每個人都要等一個出路。」她笑言劇中的內地演員都十分好奇他們點解感情咁好,她向他們解釋因為大家都是「大台」出身。

講到好姊妹佘詩曼日前就係Instagram上載泳衣照,Toby就話一早已經睇過,被問到咁有無再靚啲嘅相時佢就話,「佢影咩都靚,唔需要特別揀。」而今個月底她亦會為英皇集團做慈善義賣,收集藝人的二手衣物以及全新的物件,捐俾一班有癌症的小朋友。

《蝕日風暴》有好多已經離開TVB多年的演員,Toby都話好開心拍到今次套劇,見返一班老朋友。(陳順禎攝)

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。