王陽明睇香港臥底劇長大 勁鍾意做反派：我現在就是壞人的mode！
撰文：溫菁莉
出版：更新：
張智霖、王陽明與薛凱琪呢個組合好新鮮。 （陳順禎攝）
要講台灣型男你會諗起邊個？彭于晏、阮經天定張孝全？其實仲有一個，咪就係王陽明囉！雖然佢係2015年與女友蔡詩芸結婚，依然有好多作品㗎。今日王陽明亦有份出席劇集《蝕日風暴》發布會，問到近年經常飾演「反派」角色嘅佢再做會否感到好悶，他笑言，「我覺得演反派很過癮，直到有一天我想演好人就去演，我現在就是壞人的mode！」
一身黑色皮褸好型嘅王陽明今午現身《蝕日風暴》發布會。（ 陳順禎攝）
自稱由細睇香港警匪臥底劇長大嘅王陽明，咁今次首次參演香港班底的演出有無特別去睇返過往嘅港劇？他表示完全沒有，「說實在我不會因為地區而去看的人，但每次演的都有自己的設定，我不會因為今天在北京拍，就去看很多北京片，是看角色。」講到今次只有佢係台灣演員，面對咁多香港演員會唔會有點陌生？王陽明就話，「完全不會，因為大家都很開朗很愛開玩笑，現場拍戲的時候演員之間都很包容，雖然大家都不是講普通話，但我覺得沒關係，我們都是往同一個目標走，想把戲拍好。」
做過反派咁多次當然難唔到佢，面對咁多香港演員都唔緊張，反而有樣嘢考起佢，「因為其他演員用廣東話講對白，只有我用國語所以我背台詞要確定他們在講什麼。」
+3