【收視分析師】《降魔的》《誇世代》收視平手 其實馬明已經贏咗

撰文:
最後更新日期:

歡迎收睇逢星期三中午12點嘅《收視分析師》,上星期大市整體氣氛向好,9點半檔《降魔的》仍然係市場焦點,記得首播第一個星期已錄得23.7點收視,比《使徒行者2》僅僅低0.3點。加上上星期開始面對住8點半檔有勁多花旦小生撐場,兼重點台慶劇之一嘅《誇世代》來襲。估唔到《降魔的》今個星期仍然係有個唔錯嘅升幅,錄得24.5點,回升返0.8點,係同《誇世代》平手呀!

有不少觀眾認為今次馬明可以憑住《降魔的》勇奪視帝,可以唔洗再係頒獎禮上表演「天然呆」!

胡鴻鈞同劉佩玥今次係《降魔的》嘅演技,被不少觀眾大讚有進步!

我認為《降魔的》會處於一個易升難跌嘅局面,因為題材夠晒新鮮,講鬼怪劇係TVB真係唔多,加上劇中好多都係新一代演員例如胡鴻鈞同劉佩玥,都成功引起唔少觀眾稱讚演技有進步,預計未來收視仍然有一個唔錯嘅增長。對於長線收睇《降魔的》嘅觀眾嚟講,估值仍然算健康,相信係一個唔錯嘅投資。而男主角馬明係今次劇中憑住「馬季」一角贏得不少掌聲,因為有好多觀眾都話佢喺TVB咁多年默默耕耘,如果仍然唔頒「視帝」獎項俾佢,完全講唔過去,不過香港人最擅長就是善忘,個多月前市場還吹奏《踩過界》的王浩信攞視帝,現在有《降魔的》就撐馬明,有理由相信之後《溏心風暴3》播映,大家又會話夏雨、黃宗澤攞視帝。

其實深宵時段播出的經典劇集《壹號皇庭》雖然報6.2點,都算係咁。

森美同陳豪特別為了拍《誇世代》練到一身鋼條身型,相信應該可以迷倒不少女觀眾!

被譽為重點台慶劇之一嘅《誇世代》直到上星期收市平均錄得24.5點,其實在上星期一市場首日開市最高位報25.5點,果然係氣勢如虹!當然喇,有歐陽震華呢位「收視福將」頂住之餘,還要加上全台當紅花旦如李佳芯、譚凱琪、龔嘉欣、江嘉敏、麥明詩同陳嘉寶靚女撐住,再加森美同陳豪騷肌肉,24.5收視......Well,基本盤啦,但性價比,就《降魔的》贏哂,一睇就知《誇世代》budget多好多啦,公司重視邊套一睇就知,簡直係皇馬鬥南華,其實邊有得鬥?但結果是打成平手,《降魔的》應該要開香檳慶祝,馬明今次真係一個打廿個勁過葉問,他有冇視帝,獎座都其次,証明自己孭都飛,觀眾鍾意睇你,這一點才最重要,而《降魔的》成功說明劇本紮實,即使budget低,old school特技,觀眾都會鍾意,因為故事才是皇道,卡士、特技只是其次,蔗渣價錢都可以有燒鵝味道,TVB夠膽將《降魔的》列為台慶劇,証明高層還清醒,不是盲目認為大堆頭才是收視保証。

+9
+8
+7

歐陽震華有「收視福將」之稱,想有高收視對佢嚟講,完全無難度!

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。