過百粉絲歡迎仲有花收　陳偉霆點解都要黑晒面 　

現在紅遍中國大陸的的士陳陳偉霆 (William) 去到邊都有大班粉絲圍住，熱情的粉絲除了全程會送上尖叫聲歡呼聲之外，當然都好鍾意為他們深愛的偶像送上禮物啦。而粉絲們送的禮物都不外乎鮮花同毛公仔這些大路選擇，要令偶像留下深刻的印象真係唔容易。William的其中一位內地粉絲就憑住一束非常之獨特又好有心思的「鮮花」成功突圍而出，紮花簡直可以說是成為了全場的焦點呀！不過換來的並非偶像的開心燦爛的笑容，而是黑過鑊燶的黑面，究竟這位粉絲送了紮咩花給William？

開估喇！呢紮實質是一紮菜而並非一紮花，呢紮菜的內容可謂相當豐富，包括有西蘭花、白本菇、金菇、紅椒、青椒同生菜，仲有兩朵橙黃色的花點綴一下，真係好特別㗎。其實這種以菜代花的做法亦不是甚麼新奇事，年前就已經開始有不少人興咁樣送「花」給人，原意是讓人可以食落肚，唔止得個睇字，齋擺放完就要丟掉咁浪費，所以William個粉絲好有心思呀。網民見到William收到這紮正菜的一幕，都紛紛留言話好笑之餘，仲叫他可以用那些菜來打邊爐。不過William對於該名粉絲的心意明顯唔多領情，塊面黑到暈，連網民都話確係好黑呀。