【爸爸去哪兒】幫你一秒變Jasper 濾鏡Apps少女味濃賣萌必備
撰文：洪曉璇
出版：更新：
《爸爸去哪兒5》拍攝已經全部完結，呢一輯堪稱最成功嘅一季，6位小朋友Jasper、嗯哼、小泡芙、小山竹、NeiNei、Max各有支持者，佢地嘅童言童語以及可愛模樣深受觀眾喜愛，連五月天嘅阿信、林宥嘉以及陳喬恩都係捧場客。喬恩就曾經PO過KEY咗Jasper招牌火龍果樣嘅相片，原來有Apps推出《爸爸去哪兒5》專屬貼圖，一秒變Jasper嗯哼一啲都唔難架﹗
節目後製組非常有心思，每位小朋友都有加上唔同專屬動態。(微博圖片)
「嗯哼的少女辮」曾經登上搜尋榜第一位。(微博圖片)
節目成功有賴台前幕後努力，睇節目都知《爸爸去哪兒5》掌鏡攝影師非常多，每組藝人星B起碼兩三個鏡頭跟住，早兩日殺青宴足足筵開31席，可想而知製作幾咁龐大。而後製亦非常用心，為幾位星B加上唔少專屬動態圖，好似小泡芙嘅面紅兔耳、Jasper嘅火龍果同嗯哼嘅小辮子，真係睇到都少女心大爆發，仲有網友將佢地嘅表情包整理後開放俾大家下載。「嗯哼的少女辮」就曾經登上搜尋榜第一位，有後製人員之前就製作過程。
忠實網友整理各小朋友的表情包。(微博圖片)
後製人員表示，第一次拍攝完睇到原片時，見到嗯哼好佻皮嘅表情，一致覺得應該要加強佢咁萌嘅特質，最終決定幫佢加兩條辮。先根據小女生嘅辮子手繪製作，再因應嗯哼嘅情緒反應作調整，估唔到網友反應非常熱烈，所以成為恆常嗯哼專屬動態圖。就連嗯哼爸爸杜江，都曾經要求節目幫佢key番兩條辮仔。
細心睇下，嗯哼嘅少女辮每次郁動都有點唔同架，後製組的確有心思。(微博圖片)
杜江KEY上少女辮原來都幾襯噃，果然同嗯哼好有父子相。(影片截圖)
APPS內有8款《爸爸去哪兒5》專屬動態圖，大家覺得邊個最可愛？
大家想秒變可愛又唔使搵PS大神嘅，有濾鏡Apps就推出《爸爸去哪兒5》專屬動態圖，Jasper嘅火龍果、擴音器、Neinei嘅天使光環、Max滿頭問號，當然唔少得嗯哼嘅小辮子，全部有齊，大家可以選擇手機內相片key圖，又或者拍攝GIF動態檔案亦可。節目即將播完大家都可以自己key圖，隨時懷念下呢班可愛嘅星二代。
專屬動態圖貼落唔同星B個樣，大家又覺得襯唔襯？
Apps內可以選擇，從相冊揀選或拍照拍GIF圖都可以。
APPS名稱：Faceu (Android及Apple Store均可下載)
+3