【壹號皇庭】18歲陳展鵬偷底褲 雞仔聲兼雙眼皮 

撰文:
最後更新日期:

 深宵時段播出的劇集《壹號皇庭4》都算得係經典,每晚都引到唔少觀眾坐定定溫故知新煲劇,日前播出的第19集,其中一個案件就講述有位內衣店女售貨員涉遭一名叫Frankle嘅男顧客非禮,而飾演Frankle嘅真身原來竟然係應屆視帝「陳展鵬」!當年只有18歲嘅佢,只可以用「青澀」嚟形容。劇中陳展鵬都幾多罪名,又被涉嫌向內衣店女sales性騷擾,仲要偷埋胸圍同底褲!

1996年,只有18歲嘅陳展鵬好稚氣呀!

+7
+6
+5

陳展鵬飾演嘅Frankle得知非禮罪不成立後,亦即時鬆一口氣!

當年郭富城呢嗰look,真係迷倒唔少萬千少女!

咪住先,《壹號皇庭4》唔係1995年播㗎咩,點解會有陳展鵬呢?佢唔係係亞視咩?其實當年陳展鵬剛係TVB無綫藝訓班畢業,當然要先做一陣「茄喱啡」喇,而今次《壹號皇庭4》亦係佢在TVB第11套劇集。睇返22年嘅佢可以用青澀同稚氣嚟形容,皮膚都好白淨,而髮型仲要分成當年最流行嘅「郭富城頭」,可以話係當年嘅小鮮肉!雖然陳展鵬係劇中只係運用五官同講幾句對白,但全程都交足戲,而且聲線同現在相比起來亦都好清脆。他當年拍攝完《壹號皇庭4》後,都有繼續為TVB拍攝超過20部劇集,可惜飾演嘅角色都只係跑龍套。但唔緊要,因為一年之後即係1996年,佢就踏上大銀幕,參演電影《衝鋒隊怒火街頭》,仲要飾演陳小春嘅細佬,而2002年佢就過檔亞視,仲榮升做男主角同幫劇集唱下歌。直到2008年重返TVB,繼續做電視劇男主角成為一線小生,去年更憑住《城寨英雄》拎視帝。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。