張秀文聽話配合無綫新指引 預告台慶包到上頸收起性感

撰文:張嘉敏
出版:更新:

作為大台的無綫一向都有好多守則要求員工遵守,而最新的消息就是負責無綫藝員管理及發展的助理總經理樂易玲,昨晚就向全公司的藝人發出了一個工作指引,內容主要強調公司不鼓勵拍劇或綜藝節目時,有太過誇張女性身材或者賣弄性感的鏡頭。公司更已制定製作團隊及創作團隊守則讓大家跟從。守則的部分內容包括:

1. 公司已制定製作團隊及創作團隊守則,藝員同事不論拍攝戲劇或非戲劇,公司都不鼓勵有太過誇張女性身材及賣弄性感的鏡頭。

2. 公司也不鼓勵製作鏡頭拍攝時太過誇張女性身材及賣弄性感,故日後女藝員如需穿著三點式泳衣拍攝例如水上運動、浸溫泉等的鏡頭,會在適當時候安排穿上T-shirt。

3. 公司不鼓勵戲劇製作涉及強姦或床上情慾戲等情節,如有劇情需要,只會用「意會形式」表達交代。

張秀文喺《同盟》入面有性感演出。

這個全新發出的工作指引偏向針對劇集和綜藝節目製作,但就未有提及要禁止女藝人在活動上打扮性感。

不過出名好身材的張秀文就好乖好聽公司話,會完全配合公司的指引,仲預告今年台慶可能會收起性感:「自己成個2017年都幾乎無拍過公司節目同劇集,所以完全唔擔心。而且出面拍嘅網劇同電影,導演同監製都發掘我做喜劇演員,覺得我係好搞笑,而唔係好性感。會有性感打扮都係出活動同大show着晚裝先有,自己都係參考荷里活女星行紅地氈的衣着,同佢地比較自己好小兒科,完全及唔上人地十分一咁性感呀。其實今年台慶我本身想再試唔同嘅性感風格,依家應該要重新搵衫,可能要改着旗袍,哈哈哈。」

喂,TVB無話女藝人出席台慶唔准性感呀,秀文一於繼續去試下其他性感造型啦,相信觀眾一定好想睇㗎。

佢喺《愛回家之八時入席》入面都好性能㗎。
以後應該好難有機會見到好似《同盟》入面呢啲賣弄性感嘅鏡頭。
+8
你可能感興趣