【東張西望】被屈賣狗肉苦主不接受道歉 檔主陳伯:知唔知幾辛苦

撰文:
最後更新日期:

幹叔接受訪問表示被屈賣狗肉,令他非常困擾,每日都驚俾人打。

幹叔(陳伯)被屈賣狗肉事件,雖然已証實他是賣羊肉不是狗肉,網民亦要求始作俑者動物關注組成員何來出來道歉,還幹叔一個公道,成員日前接受《東張西望》訪問,解釋前因後果,亦向幹叔道歉,她說:「幹叔店主先生,咁我非常抱歉啦,因為呢件事件令到店鋪嗰個....情況攪到咁緊張,我哋動物界其實都好緊張㗎,因為我哋從來冇諗過件事會爆得咁犀利,我絕對相信幹叔你大人有大量,希望你明白我哋.....對於有隻屍體擺响外面呢,好多街坊同我哋講其實好驚,會唔會有啲方法,唔會咁得人驚呢?」但為何何來不親身向幹叔道歉呢?她因為素食不方便對住幹叔道歉。

幹叔不接受何來道歉,更表示自己受了很多精神壓力。

雖然何來就透過《東張西望》道歉,不過陳伯就不接受,雖然網民已紛紛轉為支持他,他再接受訪問依然氣難下,他說:「我接受唔到,我嘅苦衷,我咁多日住喺度幾咁艱難,日日喊,日日行出去驚俾人打....或者我做嘅程序唔啱,但你有冇了解過幹叔點做法,因為check過幹叔嘅証件?你哋喺網上點講嘢?教授,咩都齊嘅,你哋屈到我幾時,你知唔知我幾辛苦呀?」陳伯一位老人家的確受了不少壓力,而他的女兒亦有出鏡,對於何來的道歉,她亦不太接受,因為還歸咎於她爸爸將屍體放在門口,她表示因為燒完羊後要等,而店鋪實在太小,迫於無奈放在門口,但這次事件後都會檢討,不會再令街坊受怕。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。