秀智分手後IG上傳扁嘴相 長腿男神李敏鎬返工包到勁密實剩番對眼
撰文：沈洛嘉
出版：更新：
秀智與李敏鎬於16日證實分手。（網上圖片）
韓國明星秀智@missA與李敏鎬，本月16日有說已經分手，雖然雙方公司已表示消息屬實，但就沒有多說一句。而主人公之一嘅秀智自分手後今日繼續活躍喺個人Instagram上，繼續更新有關韓劇《當你沉睡時》嘅劇照，不過就已經冇咗李鍾碩嘅蹤影。但係秀智最新一個Instagram Post最後一張相，就係佢扁嘴嘅樣，唔通秀智暗暗地表示其實自己同李敏鎬分開之後唔太開心？
秀智最近仍然持續更新《當你沉睡時》嘅劇照。（網上圖片）
秀智送「倒穿橡膠鞋」俾李敏鎬 《當你沉睡時》同李鍾碩太sweet?
而另一名主人公李敏鎬因為仍係服役當中，尋日就繼續喺江南區廳正常返工。雖然李敏鎬嘅上班路一向多粉絲接送，但傳出李敏鎬同秀智分手消息第2日（17日）後，就有更多粉絲前往探望李敏鎬。着上黑色羽絨內着灰色衛衣，戴住cap帽同埋黑色口罩嘅李敏鎬包得勁密實得番對眼，而李敏鎬落車後粉絲都搶住上前，為嘅只係跟偶像握握手。而李敏鎬亦都好Nice咁同粉絲們握手回應，但就並未有其他表示。依家長腿男神李敏鎬回復單身後，好快就要繼續工作，未知oppa幾時會開始下一場戀愛，但都希望佢盡快收捨心情，用心服役為國家服務後，再次回歸大螢幕同粉絲們見面。
李敏鎬包得勁密實。（網上圖片）
更多秀智圖片：
+5
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/