【NU'EST W襲港】Ren想同周星馳合作　白虎即場清唱《想你的夜》

NU'EST W一落機就去荷里活廣場準備記者會。（黃國立攝）

NU'EST W 4子JR（金鐘炫）、Ren（崔珉起）、白虎（姜東昊）同埋Aron尋日就係鑽石山荷里活廣場出席《2017 NU'EST W SPECICAL CONCERT IN HONG KONG》記者會，離開個陣成員都有同現場L.O.Λ.E（NU'EST粉絲名稱）揮手道別，認真親民兼謙虛。

原來Ren睇過《少林足球》10次以上，係星爺忠實粉絲。（黃國立攝）

講返記者會上，Ren就提到自己想同周星馳前輩合作，因為佢細細個嗰就已經睇過《少林足球》，覺得呢套戲好有趣同埋睇咗超過10次以上，所以有機會嘅話真係好想同周星馳合作。再講到今次回歸新歌《WHERE YOU AT》係由白虎作詞作曲時，暖男白虎就表示：「我自己平時係靠靈感去寫歌，我覺得最緊要係將好嘅作品帶畀L.O.Λ.E，令到佢地開心。」

【NU'EST W襲港】 JR想同L.O.Λ.E睇夜景　Ren廣東話：我愛你哋

白虎即場清唱《想你的夜》，果然係NU'EST嘅主唱。（黃國立攝）

NU'EST W成員入面白虎就識少少中文，受到主持人邀請後，仲即場清唱咗一小段關喆嘅《想你的夜》，現場L.O.Λ.E都聽得十分陶醉！而講到NU'EST W來年計劃之後，隊長JR就表示：「今年接收到好多L.O.Λ.E給予我哋嘅愛，所以我哋決定要好好咁報答大家。我哋會更努力準備更好嘅歌、音樂同埋精彩嘅舞台，希望可以再次嚟到香港同大家見面！」而NU'EST W更為咗現場傳媒特登準備咗廣東話：「辛苦晒！多謝晒！」4子真係好可愛啊！L.O.Λ.E記得今晚準時入場等睇《2017 NU'EST W SPECICAL CONCERT IN HONG KONG》喇！

卡咪龜JR十分可愛，好想再次嚟香港同L.O.Λ.E見面！（黃國立攝）

【NU'EST W襲港】Ren想同周星馳合作 白虎即場清唱《想你的夜》

更多圖片

【NU'EST W襲港】Ren想同周星馳合作　白虎即場清唱《想你的夜》