【3日2夜.多圖】陳庭欣遊斐濟繼續三點式 禁色令後仲有無得睇?

撰文:
最後更新日期:

TVB忽然推出禁色令,講明公司不鼓勵拍劇或綜藝節目時,有太過誇張女性身材或者賣弄性感的鏡頭,有傳禁令正正針對近期捧出多位女神嘅旅遊節目《3日2夜》。「工作指引」推出後,18號晚播出陳庭欣(Toby)斐濟之旅第二集,係就係仲有三點式,不過仲有一幕係Toby喺泳衣外套上潛水衣,唔少網友慨嘆,以後睇女星游水都可能會著鯊魚裝……

除左著泳衣,陳庭欣仲半裸做spa,算唔算性感,違反禁色令呢?(影片截圖)

禁色令寫明,日後女藝員如果需着上三點式泳衣拍攝,例如進行水上運動、浸溫泉等鏡頭,會在適當時候安排穿上T-shirt。推出工作指引時間咁啱喺《3日2夜》播出陳庭欣到斐濟兩集之間,大家都好奇節目會唔會受影響。拍就一早拍完啦,相信TVB唔會KEY件T-shirt咁突兀,不過會唔會重新剪接就真係要等播出先知。最終新一集陳庭欣繼續有著泳衣,仲有三套咁多!

呢件黑白色泳衣真係顯得Toby身型好fit,可惜播出時得6秒,close up得3秒。(影片截圖)

節目中Toby著上黑白連身deep V泳衣玩海上划艇,有陽光有靚女賞心悅目,見佢隻艇離水上屋有一段距離,都應該拍咗起碼大半個鐘,最終出街,就只有6秒鐘。另一套泳衣黃綠色比堅尼就用嚟拍mood shot,即係行行企企擺pose配旁白嗰種,配埋斐濟嘅日落,係靚嘅。

泳衣MOOD SHOT配上後製旁白, 可算係《3日2夜》特色,以後仲有無得睇呢?(影片截圖)

根據官網顯示,11月25號晚依然有《3日2夜》播出,之後會唔會節目調動就不得而知啦。(網上截圖)

不過大家最深感受應該係第三件泳衣,一直影住toby半身,佢望住鏡頭介紹斐濟玩意,然後,著上一件潛水衣,唔止封胸,封到連鎖骨都見唔到,網友話拍攝時就好似神預言一樣,預知有禁色令推出,睇怕以後女藝人都要買定鯊魚泳衣出埠啦。斐濟之行播完之後,到底仲有無《3日2夜》?查看官網暫時見11月25號晚繼續會播放,據知會係朱智賢遊首爾,到時播出仲有無浸溫泉同落水環節呢?真係要留待下回分解啦。

「如果需着上三點式泳衣拍攝,會在適當時候安排穿上T-shirt」,陳庭欣直接加上潛水衣,真係好安全呀。(影片截圖)

+11
+10
+9


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。