【金在中香港騷】玩足3個鐘 台上驚見10年前舊樣嚇到跪地
韓國男團JYJ成員金在中昨晚在九龍灣國際展貿中心舉行的《2017 KIM JAE JOONG ASIA TOUR FANMEETING IN HONG KONG》粉絲見面會認真抵睇！由晚上6點準時開騷後就玩足3個半鐘，遊戲一個接一個，又連唱多首好歌，睇得出金在中好唔捨得離開香港粉絲！
金在中在見面會上足足準備了四個遊戲環節，一開波金在中就在粉絲一早準備好的問題板上抽出問題再作回答，之後金在中又在台上展示好畫功，應要求畫出80歲的自己．期間森美就搞笑指金在中將80歲的自己畫到好似卡通人物小丸子的爺爺一樣，又看不明白金在中在畫腹肌定肋骨，令現場充滿笑聲！之後金在中就解畫話希望自己80歲，已成定立室之後，仍然要做個有腹肌的型爸爸，惹來台下粉絲起哄。
到第二個環節，金在中就反轉頭向粉絲提問看看大家有多了解自己，其中一條金在中就給提示「這個人是初戀」，台下粉絲估足5、6次都唔中，最後終於有人估中是王祖賢，金在中仲自爆當年租帶看王祖賢的名作《倩女幽魂》看了40次至50次，覺得對方好靚，誰不知森美又搞笑指「嗰時好靚，現在……」金在中即時扮嬲豬叫森美不要糟蹋自己的初戀。
之後金在中就先後同粉絲玩了估歌仔及韓國大熱遊戲Random Play隨機跳舞，當中金在中就唱出了經典廣東歌《海闊天空》、《友情歲月》及陳奕迅的人氣歌《浮誇》，雖然哼多過唱，但金在中似乎知道歌曲的重點，唱出曲中最重要幾隻字就已經好快被台下粉絲估中，只能說金在中太識玩了。到隨機跳舞，金在中就抽中要跟住大會螢幕跳郭富城的《對你愛不完》、韓國搞笑舊歌及中國歌《小蘋果》，之後環節原本要結束，點知台下粉絲反應太強要金在中跳埋之後兩首，點知大會螢幕就突然播出東方神起10多年前的舊作《Rising Sun》及《The Way U Are》，金在中見到自己當年的「驚人」打扮時即時嚇到跪低，工作人員仲鬼馬地連播3次，搞到金在中仲大叫好羞家，仲話：「當時我以為自己的打扮是最無得頂的，點知現在重看……」，非常搞笑。
玩足兩個小時遊戲後，金在中終於捨得開金口唱歌，一口氣連唱《你知道嗎》、《即使再會》、《Good Morning Night》等6首歌曲收場。
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/